ខេត្តប៉ៃលិន ៖ កាលពីថ្ងៃទី១៤ ខែមេសា ឆ្នាំ២០២១ លោកជំទាវអភិបាលខេត្ត បានអំពាវនាវដល់ ប្រជាពលរដ្ឋក្នុងខេត្តប៉ៃលិន នៅលើផេក (Sreymom Ban) ៖ ថា “នាងខ្ញុំសូមអំពាវនាវ បងប្អូនទាំងអស់គួររក្សាភាពស្ងប់ស្ងៀម កុំនាំគ្នាសម្រុកទៅផ្សារដែលបង្កេីត
បានជាភាពកកកុញមនុស្សច្រើន ជម្រុញនូវហានិភ័យកាន់តែខ្ពស់ឡើងថែមទៀតដល់បងប្អូន ក្នុងការឆ្លងវីរុសកូវីដ-១៩ ។ បងប្អូនអាចនឹងឆ្លងជំងឺកូវីដ-១៩ បានគ្រប់ពេល នៅពេលដែលនៅកន្លែង ប្រជ្រៀតគ្នាខ្លាំងពេកនោះ ឬកន្លែងដែលមិនមានគម្លាតគ្នាពីមួយម៉ែត្រកន្លះឡើង ហើយមិន មានពាក់ម៉ាស និងលាងដៃញឹកញាប់ទេនោះ ទេ ។ សូមត្រូវចងចាំថា វីរុសកូវីដ-១៩ សប្បាយចិត្តខ្លាំង ចូលចិត្តខ្លាំង និងពេញចិត្តជាទីបំផុត ក្នុងការដើរចម្លងពីបុគ្គលម្នាក់ទៅម្នាក់ទៀត បានយ៉ាង ងាយស្រួលដោយមិនមានរបាំងហាមឃាត់ ឬសម្លាប់វីរុសដ៏សាហាវនេះ សុំជឿជាក់លើវិធានការរបស់ រាជរដ្ឋាភិបាល ដែលមានការគិតគូរត្រឹមត្រូវ និង មិនបិទជិតឈឹងមិនឱ្យមានវិធីក្នុងការរកម្ហូបអាហារទទួលទាននោះឡេីយ ។
សូមបន្តចូលរួមអនុវត្តវិធានការ (៣ការពារ និង ៣កុំ + ចចាក់វ៉ាក់សាំងការពារកូវីដ-១៩) ហេីយ ចូលឆ្នាំនៅផ្ទះ ដេីម្បីឈ្នះការវ៉ៃលុកកូវីដ-១៩ ដោយបុគ្គលមានការទទួលខុសត្រូវខ្ពស់សម្រាប់សុខភាពផ្ទាល់ខ្លួន សុខភាពគ្រួសារខ្លួន និងដេីម្បីសហគមន៍យេីង ទាំងមូល ផងដែរ ៕ ដោយ ៖ នីយ៉ា
