ខេត្តស្វាយរៀង៖នាព្រឹកថ្ងៃចន្ទ ៨រោច ខែចេត្រ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី០៥ ខែមេសា ឆ្នាំ២០២១ នេះ លោក កែវ ច័ន្ទលី ប្រធានមន្ទីរព័ត៌មានខេត្តស្វាយរៀង បានអញ្ជើញទទួលយក អំណោយ ពីលោក ជា រដ្ឋា ប្រធានសាខាសមាគមអ្នកសារព័ត៌មានជាតិកម្ពុជាដើម្បីសេរីភាព ប្រចាំខេត្តស្វាយរៀង និងក្រុមការងារ និងលោក មិន ភក្ដី ភ្នាក់ងារទូរទស្សន៍ប៉ុស្តិ៍លេខ៥ ប្រចាំខេត្តស្វាយរៀង។
លោកប្រធានមន្ទីរ មានប្រសាសន៍ថា សម្ភារៈប្រយុទ្ធប្រឆាំង នឹងជំងឺកូវីដ-១៩ ដែលទទួលបាននូវពេលនេះ សបញ្ជាក់ឱ្យឃើញពីទឹកចិត្តសប្បុរសធម៌ និងជាវប្បធម៌នៃការចែករំលែកទៅលើការជួយគ្នាក្នុងកាលៈទេសៈនាពេលបច្ចុប្បន្ននេះ។ ទន្ទឹមនេះ លោកបានបញ្ជាក់ថា អំណោយ ដែលមន្ទីរព័ត៌មានខេត្តទទួលបាននៅថ្ងៃនេះ និងយកទៅចាត់ចែងប្រើប្រាស់អោយចំគោលដៅក្នុងសកម្មភាពយុទ្ធនាការផ្សព្វផ្សាយអប់រំនូវវិធានការបង្ការ ទប់ស្កាត់ការឆ្លងរាលដាលនៃជំងឺកូវីដ-១៩។
អំណោយដែលភ្នាក់ងារសារព័ត៌មានប្រចាំខេត្តស្វាយរៀង បានផ្ដល់ជូនមន្ទីរព័ត៌មានខេត្ត រួមមាន ទឹកសុទ្ធចំនួន ១៥០យូរ និងម៉ាសចំនួន ៥ប្រអប់។ដោយ សាយ ហ្គន
