ខេត្តស្វាយរៀង៖នាព្រឹកថ្ងៃសុក្រ៦កើត ខែចេត្រ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី ១៩ ខែមីនា ឆ្នាំ២០២១នេះ ឯកឧត្តម ម៉ែន វិបុល អភិបាលខេត្តស្វាយរៀង និងជាប្រធានអនុគណៈ កម្មការចំពោះកិច្ចចាក់វ៉ាក់សាំកូវីដ១៩ ក្របខ័ណ្ឌទូទាំងខេត្តស្វាយរៀង រួមទាំងឯកឧត្តមអភិបាល រងខេត្ត ឯកឧត្តម អនុប្រធាន អនុប្រធានអចិន្ត្រៃយ៍ និងសមាជិក នៃអនុគណៈកម្មការព្រមទាំងមន្ត្រី ពាក់ព័ន្ធមួយចំនួនទៀត បានអញ្ជើញចូលរួមកិច្ចប្រជុំគណៈកម្មការចំពោះកិច្ចចាក់វ៉ាក់សាំងកូវីដ១៩ ក្នុងក្របខ័ណ្ឌ ទូទាំងប្រទេសតាមរយះវីដេអូ Zoom ក្រោមអធិបតីភាព លោកជំទាវ វេជ្ជបណ្ឌិត ឱ វណ្ណឌីន រដ្ឋលេខាធិការ ក្រសួងសុខាភិបាល និងជាប្រធានគណៈកម្មការចំពោះកិច្ចចាក់ វ៉ាក់សាំងកូវីដ១៩ ក្នុងក្របខ័ណ្ឌទូទាំងប្រទេស។ កិច្ចប្រជុំនេះបានពិភាក្សាទៅលើ ការបង្កើតអនុ គណៈកម្មការ និងបែងចែកតួនាទីភារកិច្ច និងធ្វើបទបង្ហាញស្តីពីផែនការសកម្មភាពផ្តល់វ៉ាក់សាំង បង្ហាញដោយឯកឧត្តម ឡូ វាសនាគីរី រដ្ឋលេខាធិការក្រសួងសុខាភិបាលផងដែរ៕ដោយ សាយ ហ្គន
