ខេត្តកំពង់ឆ្នាំង៖ថវិការចំនួន៨លានរៀលត្រូវបាននាំយកទៅប្រគល់ជូនគ្រួសារសមាគមអតីតយុទ្ធជនកម្ពុជា ខេត្តកំពង់ឆ្នាំង នាំយកថវិកាប្រគល់ជូនគ្រួសារសមាជិក អតីតយុទ្ធជន ចំនួន ០២គ្រួសារ ក្នុងស្រុករលាប្អៀរ ការចុះនាំយកថវិការជូនគ្រួសារសមាគមន៍អតីតយុទ្ធជនកម្ពុជាខេត្តបានធ្វើឡើងនៅ រសៀលថ្ងៃទី១០ ខែមីនា ឆ្នាំ២០២១ ដែលដឹកនាំដោយលោក ឃូ សុផាន់ មេបញ្ជាការរងខេត្ត និងលោក ចក់ កែវចំរើន ប្រធានការិយាល័យបេឡាជាតិអតីតយុទ្ធជនខេត្ត និងជាសមាជិក អចិន្រ្តៃយ៍នៃគណ:កម្មាធិការសមាគមអតីតយុទ្ធជនកម្ពុជាខេត្ត រួមជាមួយ ក្រុមការងារថ្នាក់ខេត្ត ឃុំ ស្រុក កងកម្លាំងប្រដាប់អាវុធទាំងបី បានចុះប្រគល់ថវិកា បេឡាមរណ សង្គ្រោះ ចំនួន ៨,០០០,០០០ រៀល និងលិខិតចូលរួមមរណទុក្ខ ។ជូនដល់លោកស្រី ជួន រ៉េត ត្រូវជាកូនរបស់សព ឈ្មោះ សៅ ព្រីង អតីតគ្រួសារនគបាល ( គ្រួសារពលី ) ID (SB91000167) ទទួលមរណភាព នៅភូមិព្រៃខ្មែរ ឃុំរលាប្អៀរ ស្រុករលាប្អៀរ។លោកស្រី ឱម ខាត់ ត្រូវជាប្រពន្ធ របស់សព ឈ្មោះ ប្រាក់ រ៉ាដូ អតីតយោធិន ( ជនពិការ) ID (HA88001328)ទទួល មរណភាព នៅភូមិត្រពាំងអំពិល ឃុំប្រស្និប ស្រុករលាប្អៀរខេតនតកំពង់ឆ្នាំង។មេបញ្ជាការរងប្រតិបត្តការសឹករងកំពង់ឆ្នាំងលោក ឃូសុផាន់ ក៏បានធ្វើការអំពាវនាវដល់ប្រជាពលរដ្ឋទាំងអស់សូមអនុវត្តឱ្យបានខ្ចាប់ខ្ជួននូវវិធានការរបស់ក្រសួងសុខាភិបាល និងគោលការណ៍ ៣កុំ ៣ការពារ ដែលប្រមុខរាជរដ្ឋាភិបាលកម្ពុជាដាក់ចេញ ក្នុងការទប់ស្កាត់ឱ្យបាននូវការរីករាលដាលនៃជំងឺកូវីដ.១៩ ។នៅបញ្ចប់ពិធី ក្រុមគ្រួសារនៃ សពបានថ្លែងនូវអំណរ អរគុណយ៉ាងជ្រាលជ្រៅចំពោះសម្តេច តេជោ ហ៊ុន សែន រួមនិងថ្នាក់ដឹកនាំគ្រប់លំដាប់ថ្នាក់ សូមជួបប្រទះនូវពុទ្ធពរទាំងបួន ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ៕ ដោយលោកស្រីសានផល្លា
