ដោយ៖ស៊ឹម ចរិយា
ព្រះវិហារ៖ស្ថានីយលក់ប្រេងសាំង,ហ្គាសនិងចាប់ហួយ យីហោ ឡុង ស៊ីម ដែលមានម្ចាស់ឈ្មោះ ឡាយ ឡុងស៊ីម ភេទប្រុស អាយុ៤០ឆ្នាំ ត្រូវបានអគ្គីភ័យឆាប់ឆេះអស់ទ្រព្យសម្បត្តិស្ទើរទាំងស្រុង សំណាងល្អមិនឆេះស៊ីទែងនហ្គាសនិងមិនប៉ះពាល់ដល់អាយុជីវិត។ ហេតុការណ៍នេះកើតឡើងនៅវេលាម៉ោង៣និង៣០នាទីថ្ងៃទី០៦ ខែឧសភាឆ្នាំ២០២៤ ត្រង់ចំណុចភូមិបេងដូប ឃុំស្រយ៉ង់ ស្រុកគូលែន ខេត្តព្រះវិហារ។
លោកឧត្តម សេនីយ៍ត្រី ឆយ បូរិន ស្នងការរងទទួលបន្ទុក បានអោយដឹងថានៅពេលកើតហេតុការណ៍ភ្លាមៗ លោកបានទទួលបទបញ្ជារពីលោកឧត្តមសេនីយ៍ទោ សួស សុខដារា ស្នងការនគរបាលខេត្តព្រះវិហារ អោយដឹកនាំកងកម្លាំងអន្តរាគមន៍ចុះប្រតិបត្តិការដោយផ្ទាល់ ដោយប្រើរថយន្តពន្លត់អគ្គីភ័យចំនួន៦គ្រឿង រួមមាន៖រថយន្តរបស់ស្នងការដ្ឋានគរបាលខេត្តព្រះវិហារចំនួន០១គ្រឿង រថយន្តរបស់អធិការដ្ឋាននគរបាលស្រុកគូលែនចំនួន០១គ្រឿង រថយន្តរបស់អធិការដ្ឋាននគរបាលស្រុកត្បែងមានជ័យចំនួន០១គ្រឿង រថយន្តរបស់អធិការដ្ឋាននគរបាលស្រុកស្វាយលើចំនួន០១គ្រឿង រថយន្តរបស់អធិការស្ឋាននគរបាលស្រុកជាំក្សាន្តចំនួន០១គ្រឿង និងរថយន្តរបស់អាជ្ញាធរជាតិព្រះវិហារចំនួន០១គ្រឿង ដោយប្រើប្រាស់ទឹកអស់ចំនួន២២រថយន្ត។លោកបានបន្តថា ហើយហេតុការណ៍នេះកើតឡើងដោយសារតែទុសេខ្សែភ្លើង និងខូចខាតទ្រព្យសម្បត្តិអស់ប្រមាណជិត២០ម៉ឺនដុល្លារសហរដ្ឋអាមេរិក ចំពោះម្ចាស់ទីតាំងរងរបួសស្រាលបញ្ជូនទៅព្យាបាលនៅមណ្ឌល់សុខភាពកោះកេរផងដែរ៕
