ព្រះវិហារ៖ នៅព្រឹក ថ្ងៃទី ០៣ ខែមីនា ឆ្នាំ២០២៤ ឧត្ដមសេនីយ៍ទោ ច័ន្ទ សុភ័ក្ដ្រា មេបញ្ជាការ តំបន់ប្រតិបត្តិការសឹករងព្រះវិហារ និងជាប្រធានសមាគមអតីតយុទ្ធជនកម្ពុជា ខេត្ដព្រះវិហារ បានអញ្ជើញដឹកនាំក្រុមការងារ និងអាជ្ញាធរមូលដ្ឋាន ចុះប្រគល់ថវិកាបេឡាមរណៈសង្គ្រោះជូនគ្រួសារសពអតីតយុទ្ធជន១គ្រួសារ ដែលមានឈ្មោះ ដៀប វាយ ភេទប្រុស អាយុ៦៥ឆ្នាំ ជានិវត្តជន បានទទួលមរណៈភាព កាលពីថ្ងៃទី០១ ខែមីនា ឆ្នាំ២០២៤ នៅភូមិសែនតេជៈ ឃុំមរកត ស្រុកជាំក្សាន្ត ខេត្តព្រះវិហារ កម្មវិធីប្រគល់ថវិកា បេឡាមរណៈសង្គ្រោះចំនួន៤លានរៀលនិងសារលិខិតរំលែករបស់សមាគមធ្វើនៅគេហដ្ឋាននៃសព ស្ថិតនៅភូមិសំរោង សង្កាត់កំពង់ប្រណាក ក្រុងព្រះវិហារ ខេត្តព្រះវិហារ ។
ទន្ទឹមនោះដែរ ឧត្ដមសេនីយ៏ទោ ប្រធានសមាគមខេត្ត បានពាំនាំប្រសាសន៏សាកសួសុខទុកពីសំណាក់ថ្នាក់ដឹកនាំគ្រប់ជាន់ថ្នាក់របស់សមាគមអតីតយុទ្ធជនកម្ពុជា ជាពិសេស សម្ដេច តេជោ ហ៊ុន សែន ប្រធានសមាគមអតីតយុទ្ធជនកម្ពុជា ចែកជូនដល់ក្រុមគ្រួសារនៃសពផងដែរ៕
