ភ្នំពេញ ៖ នគរបាលព្រហ្មទណ្ឌក្រសួងមហាផ្ទៃ បានដាក់កម្លាំងចុះឡោមព័ទ្ធទីតាំងអគារមួយកន្លែង និងបានឃាត់ខ្លួនជនបរទេសជាច្រើននាក់ទៀត ដោយសង្ស័យថា ពាក់ព័ន្ធករណីផលិតរឿងបែបក្ដៅសាច់អាសអាភាសកាលពីវេលាម៉ោង៨យប់ ថ្ងៃទី២៤ ខែតុលា ឆ្នាំ២០២៣ នៅចំណុចអគារមួយកន្លែង ស្ថិតលើកំណាត់ផ្លូវលេខ៣១០ សង្កាត់បឹងកេងកង១ ខណ្ឌបឹងកេងកង ។
តាមប្រភពព័ត៌មានពីទីតាំងកើតហេតុខាងលើ បានប្រាប់ឲ្យដឹងថា នៅមុនពេលកើតហេតុ មាននារីចំនួន២នាក់ សង្ស័យជានារីរងគ្រោះ បានទៅដាក់ពាក្យបណ្តឹងនៅក្រសួងមហាផ្ទៃ ពាក់ព័ន្ធជាមួយករណីថត និងផលិតរឿងបែបអាសអាភាស នៅក្នុងបន្ទប់ជាន់ទី៩ នៃអគាកើតហេតុខាងលើ៕
