ព្រះវិហារ៖ នាព្រឹកថ្ងៃទី ០៦ ខែកញ្ញា ឆ្នាំ២០២៣នេះ ឯកឧត្ដម ឧត្ដមសេនីយ៍ទោ ច័ន្ទ សុភ័ក្ដ្រា មេបញ្ជាការ តំបន់ប្រតិបត្តិការសឹករងព្រះវិហារ និងជាប្រធានក្រុមការងារថ្នាក់ខេត ចុះជួយស្រុកឆែប បានអញ្ជើញដឹកនាំក្រុមការងារចុះសួសុខទុក្ខប្រជាពលរដ្ឋក្រីក្រលំបាក ចំនួន ២៣គ្រួសារ រស់នៅក្នុងឃុំឆែបពីរ ស្រុកឆែប ខេត្តព្រះវិហារ និងបាននាំយកអំណោយដ៍ថ្លៃថ្លារបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ចែកជូនដល់ដៃបងប្អូនប្រជាពលរដ្ឋដែលមានការខ្វះខេត្ត។ នាឱកាសនោះដែរ ឯកឧត្ដម ប្រធាន បានថ្លែង ពាំនាំការផ្ដាំផ្ញើសាកសួរសុខទុក្ខ ពីសំណាក់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ដែលតែងតែគិតគូរពីសុខទុក្ខរបស់ បងប្អូន ប្រជាពលរដ្ឋមានការខ្វះខាត នៅគ្រប់ទីកន្លែង មិនថានៅទីណា។ ឯកឧត្ដម ប្រធាន បានណែនាំដល់បងប្អូនសមាជិកទាំងអស់ត្រូវថែរក្សាសុខភាពអោយបានល្អព្រោះថារដូវនេះជារដូវភ្លៀងធ្លាក់ និងមើលថែកុមាតូចៗកុំអោយលេងទឹកក្រែងកើតមានគ្រោះថ្នាក់ ជាយថាហេតុ និងគាំទ្រសម្តេចមហាបវរធិបតី ហ៊ុន ម៉ាណែ នាយករដ្ឋមន្រ្តី ដឹកនាំប្រទេសកម្ពុជា ប្រកបដោយសុខសន្តិភាព និងការអភិវឌ្ឍន៍រីកចម្រើនលើគ្រប់វិស័យ បន្ថែមទៀត។ អំណោយត្រូវចែកជូន ក្នុងមួយគ្រួសារៗទទួលបានរួមមាន៖ ,អង្ករ ១ប៉េ ស្មើ៣០គីឡូក្រាម ,ម៊ី ១កេស ,ទឹកត្រី ១យួរ ,ត្រីខ ១យួរ ,ភួយ ១ និងថវិការមួយចំនួនផងដែ ៕
