ព្រះវិហារ៖ នៅល្ងាចថ្ងៃទី ០៤ ខែកញ្ញា ឆ្នាំ២០២៣នេះ ក្រោយពីបានទទួលដំណឹង តាមរយៈលោកស្រី អនុភូមិភារកិច្ច សង្កាត់ប៉ាលហាល ក្រុងព្រះវិហារ ខេត្ដព្រះវិហារ ថាមានពលរដ្ឋចំនួន០២គ្រួសារបានដាច់ស្បៀងអាហាចំនួន៣ថ្ងៃ ហើយ នេះបើតាមការរៀបរាប់របស់ពូកគាត់ ម្នាក់បានរៀបរាប់ថា ដោយសារដាច់ស្បៀងប្ដីទៅធ្វើការសំណង់មេការអត់បើកលុយអោយ ម្នាក់ទៀតថាប្ដីជាប់ទោសនៅពន្ធធនាគារ ហេតុនេះហើយធ្វើអោយពួកគាត់ទាំង០២គ្រូសារមានការលំបាកយ៉ាងខ្លាំង និងខ្វះស្បៀងអាហាហូបចុកប្រចាំថ្ងៃ ភ្លាមៗនោះ ឯកឧត្ដម ឧត្ដមសេនីយ៍ទោ ច័ន្ទ សុភ័ក្ដ្រា មេបញ្ជាការតំបន់ប្រតិបត្តិការសឹករងព្រះវិហារ បានអញ្ជើញគ្រួសារខ្វះខាតចំនួន០២គ្រួសារនោះ ចូលទៅក្នុងទីបញ្ជាការជួបសំណេះសំណាលសួរសុខទុក្ខនិងផ្ដល់អំណោយជាស្បៀងអាហាដល់ពួកគាត់ទាំង០២គ្រួសារ ដើម្បីដោះស្រាយជីវភាព។
សូមបញ្ជាក់ថា ពលរដ្ឋទីទាល់ក្រ០២គ្រួសារនេះ មានទីលំនៅភូមិភារកិច្ច សង្កាត់ប៉ាលហាល ក្រុងព្រះវិហារ ខេត្ដព្រះវិហារ អំណោយត្រូវបានផ្ដល់អោយក្នុង០១គ្រួសារទទួលបាននូវ ,អង្ករ ១ប៉េ ស្មើ៣០គីឡូក្រាម ,ម៊ី ១កេស ,ទឹកស៊ីអ៊ីវ ១យួរ ,ត្រីខ ២យួរ ,ភួយ ១ ,និងថវិកាមួយចំនួនផងដែ ។
