ព្រះវិហារ៖ នាព្រឹកថ្ងៃទី ០៩ ខែសីហា ឆ្នាំ២០២៣នេះ ឯកឧត្ដម ឧត្ដមសេនីយ៍ទោ ច័ន្ទ សុភ័ក្ដ្រា មេបញ្ជាការ តំបន់ប្រតិបត្តិការសឹករងព្រះវិហារ បានអញ្ជើញដឹកនាំថ្នាក់ដឹកនាំទីបញ្ជាការតំបន់ប្រតិបត្តិការសឹករងព្រះវិហារ ចូលរួមគោរពវិញ្ញាណក្ខន្ធ សពលោកអនុសេនីយ៍ទោ រស់ ម៉ន មេបញ្ជាការរង កងអនុសេនាធំទី២ ផ្នែកសឹករងជាំក្សាន្ដ ចំណុះតំបន់ប្រតិបត្តិការសឹករងព្រះវិហារ ដែលបានទទួលមរណៈភាពនៅថ្ងៃទី ០៨ ខែសីហា ឆ្នាំ២០២៣ អាយុ៤៤ឆ្នាំ វេលាម៉ោង ១២,១៥នាទីថ្ងៃត្រង់ ដោយរោគាពាធ (គាំងបេះដូង) ពេលកំពុងបំពេញភារកិច្ចដើល្បាតតាមខ្សែបន្ទាត់ព្រំដែន និងបំពាក់ឋានន្តរសក្ដិ ថ្នាក់អនុសេនីយ៍ឯក ជាកិច្ចបច្ចាមរណៈ ជូនសពលោកអនុសេនីយ៍ទោ រស់ ម៉ន ផងដែ ក្នុងពេលវេលាដ៏ក្រៀមក្រំនោះដែ ឯកឧត្ដម មេបញ្ជាការ បានសម្ដែងនូវភាពស្រណោះអាឡោះអាល័យបំផុត ចូលរួមរំលែកមរណៈទុក្ខដល់គ្រួសារនៃសព និងសោកស្ដាយចំពោះការបាត់បង់នាយទាហានដ៍ឆ្នេីមមួយរូប ដែលមានស្នាដៃក្នុងការបំរេីជាតិមាតុភូមិ និងការពារបូរណភាពទឹកដី នាពេលកន្លងមក ក្នុងពិធីបុណ្យនោះដែរ ឯកឧត្តម មេបញ្ជាការ បាននាំយកនូវសម្ភារៈនិងបច័្ចយមួយចំនួនរួមមាន៖ ,បច្ច័យចូលបុណ្យចំនួន ២,៨៧០,០០០ រៀល ,មីចំនួន ០៣កេស,ទឹកសណ្តែកចំនួន ០៣កេស,ទឹកសុទ្ធចំនួន ០៥កេស,ភួយ ០១,អង្ករចំនួន ១០០គីឡូក្រាម ,ត្រីខ ០១កេសធំ ,និងបច្ច័យផ្នែកសឹករងជាំក្សាន្ដ ចំនួន ៨០០,០០០រៀល ក្នុងនោះដែរ ឯកឧត្តម មេបញ្ជាការ បានឧបត្ថម្ភថវិកាចំនួន 425$ ដើម្បីចាត់ចែងក្នុងពិធីបុណ្យផងដែ ,សរុបបច័្ចយទាំងអស់ចំនួន ៣,៦៧០,០០០៛ និង425$ ។
សូមបញ្ជាក់ផងដែថា ពិធីបុណ្យសពប្រារព្ធធ្វើនៅ វត្ដគិរីទឹកធ្លាក់តេជោ បុស្សស្បូវ ស្ថិតនៅភូមិតេជោបុស្សស្បូវ ឃុំស្រអែម ស្រុកជាំក្សាន្ដ ខេត្ដព្រះវិហារ៕
