ព្រះវិហារ៖ នាព្រឹកថ្ងៃទី ០២ ខែសីហា ឆ្នាំ២០២៣ ឯកឧត្ដម ឧត្ដមសេនីយ៍ទោ ច័ន្ទ សុភ័ក្ដ្រា មេបញ្ជាការ តំបន់ប្រតិបត្តិការសឹករងព្រះវិហារ និងជាប្រធានក្រុមការងារថ្នាក់ខេតចុះជួយស្រុកឆែប ខេត្តព្រះវិហារ និងលោកជំទាវ បានអញ្ជើញដឹកនាំក្រុមការងារ នាំយកទៀនព្រះវស្សា និងទេយ្យទាន ទៅប្រគេនដល់ព្រះសង្ឃ ដែលគង់ចាំព្រះវស្សានៅ វត្ដសុវណ្ណគីរី (ហៅវត្ដឆែប) ស្ថិតនៅស្រុកឆែប ខេត្តព្រះវិហារ នៅក្នុងឱកាសនោះដែរ ឯកឧត្ដម ប្រធាន បានជួបសំណេះសំណាលជាមួយព្រះសង្ឃ តាជី យាយជី និងពុទ្ធបរិស័ទ្ធចំណុះជើងវត្ដ
ឯកឧត្ដម បានបញ្ជាក់ថា៖ពិធីនេះអាចប្រព្រឹត្តទៅបាន ដោយសាតែប្រទេសជាតិមានសុខសន្តិភាពពេញលេញ ក្រោមការដឹកនាំប្រកបដោយកិត្តិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន បានដឹកនាំប្រទេសឲ្យមានការអភិវឌ្ឍនិងមានការរីកចម្រើនលើគ្រប់វិស័យក្នុងនោះវិស័យព្រះពុទ្ធសាសនាក៏មានការរីកចម្រើនគួរឲ្យកត់សម្គាល់ផងដែរ។
ឯកឧត្ដម ក៏បានលើកអំពីព្រឹត្តិការណ៍ក្នុងប្រទេសកម្ពុជាយើងដែលនាពេលកន្លងទៅថ្មីៗនេះ មានការបោះឆ្នោ តជ្រើសតាំងតំណាងរាស្ត្រនីតិកាលទី៧ ហើយខេត្តព្រះវិហារ របស់យើងក៏ទទួលបានសំឡេងគាំទ្រយ៉ាងច្រើនលើសលុបធ្វើឲ្យគណបក្សប្រជាជនកម្ពុជាខេត្តព្រះវិហារឈ្នះដាច់លើគណបក្សផ្សេងទៀត។
ក្នុងនោះដែរ ឯកឧត្តម ប្រធាន និងក្រុមការងារ បាននាំយកនូវ ទៀនព្រះវស្សា ទេយ្យវត្ថុ និងបច្ច័យ ប្រគេនព្រះសង្ឃដែលគង់ចាំព្រះវស្សា ក្នុងនោះរួមមាន៖ ទៀនវស្សា ១គូ .ទឹកក្រូច ០៥កេស .ទឹកសុទ្ធ ០៥កេស .ទឹកត្រី ១០យួរ .ទឹកសុីអុីវ ១០យួរ .មុី ០៥កេស .ត្រីខ ១កេសធំ .អំបិល ១០គីឡូ .ខ្ទឹមសរ ១០គីឡូ .ប៊ីចេង ០៥គីឡូ .អង្ករ ១២០គីឡូ .ប្រេងម៉ាស៊ូត ៣០លីត្រ (ចំណាយថវិកាអស់ចំនួន ១.៨២០.០០០រៀល) និងបច្ច័យកសាង ចំនួន ៣.៤៦៥.០០០រៀល ,សរុបថវិកាចំណាយនិងបច្ច័យកសាង ទាំងអស់ចំនួន ៥.២៨៥.០០០រៀល៕
