កាលពីរសៀលថ្ងៃទី២៦ ខែកុម្ភៈ ឆ្នាំ២០២១ការិយាល័យ ប្រឆាំងគ្រឿងញៀន នៃស្នងការដ្ឋាននគរបាលខេត្តព្រះវិហារបញ្ជូនជនសង្ស័យចំនួន៣នាក់ទៅសាលាដំបូងខេត្ត ពាក់ព័ន្ធករណីជួញដូរនិងប្រើប្រាស់ននូវសារធាតុញៀន។
នៅថ្ងៃទី ២៥ ខែ កុម្ភៈ ឆ្នាំ២០២១ វេលាម៉ោង ១២ និង ៣៥ នាទី កម្លាំង ជំនាញ ការិយាល័យប្រឆាំងគ្រឿងញៀន សហការ ជាមួយកម្លាំងជំនាញផ្នែកប្រឆាំងគ្រឿងញៀន នៃអធិការដ្ឋាននគរបាល ស្រុកត្បែងមានជ័យ និង កម្លាំង ប៉ុស្តិ៍នគរបាលរដ្ឋបាល ឃុំប្រមេ ធ្វើការបង្រ្កាបករណីរក្សាទុក ដឹកជញ្ជូន ឫ ជួញដូរ និង ប្រើប្រាស់ដោយខុសច្បាប់នូវសារធាតុញៀន នៅចំណុចផ្ទះរបស់ឈ្មោះ អ៊ាម នេសាន ស្ថិតក្នុងភូមិបុស្សធំ ឃុំប្រមេ ស្រុកត្បែងមានជ័យ ខេត្តព្រះវិហារ ។ សមត្ថកិច្ចបានធ្វើការឃាត់ខ្លួនជនសង្ស័យចំនួន ០៣ នាក់ ដែលមានឈ្មោះដូចខាងក្រោម៖
1-ឈ្មោះ អ៊ាម នេសាន ភេទ ប្រុស អាយុ ៣៣ឆ្នាំ ជនជាតិ ខ្មែរ មុខរបរកសិករ រស់នៅ ភូមិបុស្សធំ ឃុំប្រមេ ស្រុកត្បែងមានជ័យ ខេត្ត ព្រះវិហារ។ (មុខសញ្ញាជួញដូរ )
2- ឈ្មោះ ថាន់ ធា ភេទ ប្រុស អាយុ៤១ឆ្នាំ ជនជាតិខ្មែរ មុខរបរមិនពិតប្រាកដ រស់នៅ ភូមិបុស្សធំ ឃុំប្រមេ ស្រុកត្បែងមានជ័យ ខេត្តព្រះវិហារ។ (មុខសញ្ញាប្រើប្រាស់)
3- ឈ្មោះ ស៊ាន អរ ភេទប្រុស អាយុ ២៨ ឆ្នាំ ជនជាតិខ្មែរ រស់នៅ ភូមិបុស្សធំ ឃុំប្រមេ ស្រុក ត្បែងមានជ័យ ខេត្តព្រះវិហារ ។ (មុខសញ្ញាប្រើប្រាស់) ។ បានធ្វើការដកវត្ថុតាងនិងសម្ភារចាប់យករួមមាន ÷
-ម្សៅក្រាមពណ៌ សថ្លា ប្រភេទមេតំហ្វេតាមីន (ICE) ចំនួន៧១កញ្ចប់តូច ស្មើនឹងទម្ងន់១២៦.៥៩ក្រាម ។
-ទូរសព្ទចំនួន ០៣ គ្រឿង
-បារីអេឡិចត្រូនិច ០១ ដើម
-លុយ ចំនួន ១៧០.០០០.០រៀល
-សម្ភារៈវេចខ្ចប់និង ប្រើប្រាស់គ្រឿងញៀនមួយចំនួនទៀត
បច្ចុប្បន្នជនសង្ស័យទាំង៣នាក់ខាងលើរួមនិងវត្ថុតាងត្រូវបានការរិយាល័យប្រឆាំងបទល្មើសគ្រឿងញៀននៃស្នងការដ្ឋាននគរបាលខេត្តព្រះវិហារធ្វើការចងក្រងសំណុំរឿបបញ្ជូនទៅតុលាការដើម្បីចាត់ការទៅតាមនិតិវិធីច្បាប់ផងដែរ៕
