ខេត្តប៉ៃលិន ៖ ដោយមើលឃើញពីភាពលំបាកក្នុងការធ្វើដំណើរ របស់មន្ត្រីសកម្ម ដែលពិការភាព និងមានជីវភាពក្រីក្រខ្វះខាត លោកជំទាវ បាន ស្រីមុំ អភិបាលខេត្តប៉ៃលិន បានលើកទឹកចិត្ត ផ្តល់ជូនម៉ូតូអគ្គីសនី ម្នាក់១គ្រឿង ដល់មន្ត្រី៤រូប ដើម្បីជិះក្នុងការធ្វើដំណើរមកបំពេញការងារ ដែលម៉ូតូទាំងនោះមានការចូលរួមឧបត្ថម្ភ ពីឯកឧត្តម សេង គឹមឡាក់ ព្រះរាជអាជ្ញាអមសាលាដំបូងខេត្តប៉ៃលិន និងលោកឧកញ៉ា ជា គា កាលពីរសៀលថ្ងៃទី១០ ខែវិច្ឆិកា ឆ្នាំ២០២២។
ជាមួយគ្នានេះដែរ លោក ទុំ សុម លោក ស៊ុម វ៉ាន់ លោក តែម មឿន និងលោក ម៉េង ចិន្តា មានការសប្បាយចិត្តររីករាយយ៉ាងខ្លាំង និងសូមថ្លែងអំណរគុណយ៉ាងជ្រាលជ្រៅបំផុតដល់លោកជំទាវអភិបាលខេត្តប៉ៃលិន និងក្រុមការងារដែលតែងតែយកចិត្តទុកដាក់ លើកទឹកចិត្តឧបត្ថម្ភជាស្បៀងអាហារ គ្រឿងឧបភោគ បរិភោគ និងថវិកាជារឿយៗ ជាពិសេសក្នុងឱកាសនេះ លោកជំទាវ ក៏បានផ្តល់ម៉ូតូអគ្គីសនីបន្ថែមទៀត។ ពួកលោកក៍សូមបួងសួងដល់វត្ថុស័ក្តិសិទ្ធិ ក្នុងលោក ជាពិសេសលោកយាយយ៉ាតសូមជួយថែរក្សាលោកជំទាវ និងក្រុមគ្រួសារឱ្យមានសុខភាពល្អអាយុយឺនយូរតទួលបានជោគជ័យគ្រប់ភារកិច្ច៕ ដោយ ៖ នីយ៉ា
