ដោយ៖ សេង ពិសិដ្ឋ
ព្រះវិហារ៖ នៅរសៀលថ្ងៃទី៣០ ខែតុលា ឆ្នាំ២០២២ នៅទីបញ្ជាការតំបន់ប្រតិបត្តិការសឹករងព្រះវិហារ ឯកឧត្ដម ឧត្ដមសេនីយទោ ច័ន្ធ សុភត្រ្តា មេបញ្ជាការ តំបន់ប្រតិបត្តិការសឹករងព្រះវិហារ បានដឹកនាំ មេបញ្ជាការ មេបញ្ជាការង នាយទាហាន នាយទាហានរង និងពលទាហាន បានទទួលអំណោយដ៏ថ្លៃថ្លមានម៉ូតូ គោយន្តកន្រ្តៃ រួមនិងសម្ភារប្រើប្រាស់មួយចំនួន របស់ ឯកឧត្តម ឧត្ដមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងទ័ពជើងគោក និងលោកជំទាវ ជូនដល់ តំបន់ប្រតិបត្ដិការសឹករងព្រះវិហារដើម្បីយកទៅប្រើប្រាស់ក្នុងវិស័យការពារជាតិនិងប្រជាជន ។
ឯកឧត្ដម ឧត្ដមសេនីយទោ ច័ន្ធ សុភត្រ្តា មេបញ្ជាការ តំបន់ប្រតិបត្តិការសឹករងព្រះវិហារ បានបញ្ជាក់ថា ក្នុងនាមយើងខ្ញុំទាំងអស់ជាកងទ័ពត្រូវតែពុះពារគ្រប់ឧបសគ្គដើម្បីជាតិសាសនា ព្រះមហាក្សត្រ និងការពារដាច់ខេត្តនូវរដ្ឋាភិបាលស្របច្បាប់ ដែលមានសម្ដេច តេជោ ហ៊ុន សែនជានាយករដ្ឋមន្រ្តី មិនបណ្ដោយអោយក្រុមឧទាមក្រៅច្បាប់មួយណាមកធ្វើការញុះញង់ដល់កងកម្លាំងនិងបំផ្លាញ(សុខសន្តិភាព)របស់ប្រជាជននោះឡើយ។
ក្នុងការទទួលសម្ភារៈនោះផងដែរ ឯកឧត្ដម មេបញ្ជាការរួមនិងនាយទាហាន នាយទាហានរង និងពលទាហានទាំងអស់ សូមគោរពថ្លែងអំណរគុណយ៉ាងជ្រាលជ្រៅជាទីបំផុតចំពោះ ឯកឧត្តម ឧត្ដមសេនីយ៍ឯក ហ៊ុន ម៉ាណែត អគ្គមេបញ្ជាការរង មេបញ្ជាការកងទ័ពជើងគោក និងលោកជំទាវ ដែលបានផ្ដល់អំណោយដ៍ថ្លៃថ្លា ជូនដល់តំបន់ប្រតិបត្ដិការសឹករងព្រះវិហារ ដើម្បីចែកជូនដល់តាមបណ្ដាអង្គភាព ចំណុះទីបញ្ជាការតំបន់ប្រតិបត្តិការសឹករងព្រះវិហារ យើងខ្ញុំទាំងអស់គ្នាសូមគោរពជូនពរ ឯកឧត្តម មេបញ្ជាការ កងទ័ពជើងគោក និងលោកជំទាវ សូមអោយមានសុខភាពល្អ កម្លាំងមាំមួន និងជួបតែពុទ្ធពរទាំង ៤ប្រការគឺ អាយុ វណ្ណៈ សុខ ពលៈ កុំបីឃ្លៀងឃ្លាតឡើយ៕
