ឯកឧត្តមអភិបាលខេត្តព្រះវិហារ អញ្ជើញស្តាប់បទបង្ហាញពីវឌ្ឍនភាពការងារ បញ្ហាប្រឈម និងសំណូមពរ របស់មន្ទីរ អង្គភាព ជុំវិញខេត្ត!

ព្រះវិហារ៖ នាព្រឹកថ្ងៃទី០១ ខែកញ្ញា ឆ្នាំ២០២២ រដ្ឋបាលខេត្តព្រះវិហារ ឯកឧត្តម គីម រិទ្ធី អភិបាល នៃគណៈអភិបាលខេត្តព្រះវិហារ អញ្ជើញជាអធិបតីភាព ក្នុងកិច្ចប្រជុំពិនិត្យពិភាក្សា និងស្តាប់បទបង្ហាញលើវឌ្ឍនភាពការងារ បញ្ហាប្រឈម និងសំណូមពរ របស់មន្ទីរ អង្គភាពចំនួន៣ រួមមាន មន្ទីរព័ត៌មានខេត្ត មន្ទីរពាណិជ្ជកម្មខេត្ត និងមន្ទីរឧស្សាហកម្ម វិទ្យាសាស្ត្រ  បច្ចេកវិទ្យា និងនវានុវត្តន៍ខេត្ត នៅសាលប្រជុំសាលាខេត្តព្រះវិហារ។

មានប្រសាសន៍នាឱកាសនោះឯកឧត្តម បានវាយតម្លៃ និងកោតសរសើរ  ចំពោះកិច្ចខិតខំប្រឹងប្រែងក្នុងការបំពេញការងារភារកិច្ចរបស់មន្ទីរ អង្គភាពខ្លួនកន្លងមកទទួលបានជោគជ័យ និងលទ្ធផលល្អប្រសើរ។

ឯកឧត្ដមក៏បានជម្រុញឲ្យលោក លោកស្រី ប្រធានមន្ទីរ ទាំងអស់ ត្រូវបន្តខិតខំបំពេញការងារតាមតួនាទីភារកិច្ច ត្រូវមានសាមគ្គីភាពជាមួយមន្រ្តីរបស់ខ្លួន និងបន្តដោះស្រាយបញ្ហាប្រឈមនានាចំពោះមុខ ឲ្យបានឆាប់រហ័ស និងមានប្រសិទ្ធភាពខ្ពស់៕SKS

You might like

Leave a Reply

Your email address will not be published. Required fields are marked *