ក្រចេះ ៖ ស្ពានឈើមួយកន្លែង នៅចំណុចអូរគុម្ពខ្នែង ស្ថិតក្នុងភូមិយាវ ឃុំកំពង់ចាម ស្រុកសំបូរ ខេត្តក្រចេះ បានបាក់ស្រុតរយៈពេលជាងមួយសប្តាហ៍មកហើយ ហើយមកដល់ថ្ងៃទី ១៨ ខែ សីហា នេះ មិនទាន់មិនអាចឆ្លងកាត់បានទេ ខណៈពរដ្ឋកំពុងជួបការលំបាកក្នុងការធ្វេីដំណេីរដឹងជញ្ជូនកសិផល និងទំនិញ ដេីម្បីប្រកបរបចញ្ចឹមជីវិតប្រចាំថ្ងៃ។
ប្រជាពលរដ្ឋក្នុងឃុំកំពង់ចាម បានលេីកឡេីងថា ការបាក់ស្រុតស្ពានឈេីខាងលេីនេះ បណ្ដាលមកពីការដឹងជញ្ជូនឈេី តាមរយៈគោយន្ដកន្រ្ដៃ និងរម៉ក់ម៉ូតូយ៉ាងអាណាធិបតេយ្យ ខណៈស្ពានមួយខ្សែនេះមានសភាពទ្រុតទ្រមខ្លាំង ទេីបបណ្ដាលអោយបាក់ស្រុតបែបនេះ។
ប្រជាពរដ្ឋបន្ដថា គេសង្គេតឃេីញមា នគោយន្ដកន្រ្តៃ និងរម៉ក់ម៉ូតូជាច្រេីនគ្រឿនតែងតែ ចរាចរណ៍ ដឹងផលអនុផលព្រៃឈេី ឆ្លងកាត់ស្ពាននេះជារាងរាល់ថ្ងៃ តែមន្រ្ដីពាក់ពន័្ពហាក់សម្ងំស្ងៀម មេីលមិនឃេីញ មិនមានវិធានការណ៍ចំពោះក្រុមឈ្មួញដឹងឈេីទាំងនោះទាល់តែសោះ។
លោក ឈិត ណន មេឃុំកំពុងចាម បានឱ្យក្រុមអ្នកសារព័ត៌ដឹងថា ស្ពាននេះត្រូវបានកសាងឡើងតាំងពីឆ្នាំ ២០០២ មកម្ល៉េះ វាបានពុកផុយអស់ហើយ មិនអាចជួសជុលបាននោះទេ ពីព្រោះប្រសិនបើនៅតែបន្តជួសជុលប្រើប្រាស់ទៀតអាចប្រឈមនឹងមានបញ្ហាគ្រោះថ្នាក់ ។
លោក មេឃុំកំពុងចាម បន្ដថាឥឡូវនេះដោយសារស្ថានភាពភ្លៀងរលឹមជោគជាំពេក មិនអាចធ្វើការជួសជុលស្ពាននោះបានភ្លាមៗនោះទេ តែអាជ្ញាធរអនុញ្ញាតឱ្យអ្នកភូមិក្បែរនោះ រៀបចំទូកព្យាងរុញឆ្លងជាបណ្ដោះអាសន្នសិន ដោយយកកម្រៃតិចតួច ប៉ុន្តែអាជ្ញាធរឃុំមិនអនុញ្ញាតឲ្យយកលុយពីសិស្សសាលា ឬ មន្ត្រីរាជការនោះទេ។
