ខេត្តស្វាយរៀង៖សមត្ថកិច្ចនគរបាលស្រុកឃាត់ខ្លួនកូនប្រុសចិត្តខ្លាប្រហារឪពុកបង្កើតគ្រាន់តែសុំលុយ១ពាន់រៀលទិញស្រាផឹកសោះ។
ការឃាត់ខ្លួននេះធ្វើឡើងថ្ងៃទី១០ខែសីហាឆ្នាំ២០២២វេលាម៉ោង៣និង២០នាទីរសៀល នៅចំណុចភូមិពោន ឃុំដូង ស្រុករមាសហែក ខេត្តស្វាយរៀង។
បើតាមអ្នកភូមិបានអោយដឹងថា៖នៅពេលមុនកើតហេតុគេឃើញកូនប្រុសចិត្តខ្លានោះបានផឹកស្រាស្រវឹងហើយនិងមកដល់ផ្ទះខណៈនោះដែរឪពុកបានដើរមកជិតហើយក៏បាននិយាយសុំលុយចំនួន១ពាន់រៀលដើម្បីទិញស្រាហូបស្រាប់តែកូនប្រុសចិត្តខ្លានោះខឹងយ៉ាងខ្លាំងក៏ស្ទុះទៅយកបានកំណាត់ឈើដោយមានដំដែកគោលភ្ជាប់ឈើពីរកំណាត់នោះវាយទៅលើឪពុកបង្កើតបង្កការភ្ញាក់ផ្អើលដល់អ្នកជិតខាងនិងសមត្ថកិច្ចតែម្ដង។
បើតាមសមត្ថកិច្ចនគរបាលបានអោយដឹងថា៖កូនប្រុសដែរជាជនសង្ស័យនោះមានឈ្មោះ មាគ សារន អាយុ ៣៦ឆ្នាំ រស់នៅភូមិ ពោន ឃុំ ដូង ស្រុករមាសហែក ខេត្តស្វាយរៀង។
ចំណែកឪពុកដែលជាជនរងគ្រោះមានឈ្មោះ មាគ សារ៉ាយ អាយុ ៥៨ ឆ្នាំ រងរបួសបែកក្បាលរងរបួសធ្ងន់។
ក្រោយបង្កហេតុភ្លាមកម្លាំងប៉ុស្តិ៍នគរបាលរដ្ឋបាលដូងបានចុះទៅដល់កន្លែងកើតហេតុនិងបាននាំខ្លួនកូនប្រុសចិត្តខ្លាម្នាក់នោះរួមនិងវត្ថុតាងមកកន្លែងអធិការដ្ឋាននគរបាលស្រុកដើម្បីធ្វើការសួរនាំ។
នៅចំពោះមុខសមត្ថកិច្ចជំនាញកូនប្រុសចិត្តខ្លានេះបានឆ្លើយសារភាពថាពិតជាបានយកកំណាត់ឈើដោយដំដែកគោលតភ្ជាប់ពីកំណាត់វាយទៅលើឪពុករបស់ខ្លួនពិតប្រាកដមែនដោយខឹងសុំលុយទិញស្រាហូប។
បន្ទាប់មកសមត្ថកិច្ចបានកសាងសុំណុំរឿងបញ្ជូនជនបង្កខាងទៅសាដំបូងខេត្តចាត់ការតាមនីតិវិធីច្បាប់៕
