ខេត្តស្វាយរៀង៖នាព្រឹកថ្ងៃចន្ទ ៤កេីត ខែស្រាពណ៌ ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី០១ ខែសីហា ឆ្នាំ២០២២នេះ ឯកឧត្ដម ជុំ ហាត ប្រធានក្រុមប្រឹក្សាខេត្ត និងឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង បានដឹកនាំប្រតិភូសាលាខេត្តដែលមានការចូលរួមពីឯកឧត្ដមសមាជិកក្រុមប្រឹក្សាខេត្ត លោកជំទាវអភិបាលរងខេត្ត លោកប្រធានមន្ទីរសាធារណការ និងដឹកជញ្ជូនខេត្ត លោក លោកស្រីនាយករងរដ្ឋបាលសាលាខេត្ត អញ្ជើញគោរពវិញ្ញាណក្ខន្ធ លោកយាយមហាឧបាសិកា ដុក ខែន ត្រូវជាម្ដាយក្មេក ឯកឧត្ដម នាយឧត្ដមសេនីយ៍ ជៀង អំ រដ្ឋលេខាធិការក្រសួងការពារជាតិ ដែលបានទទួលមរណ:ភាព នាវេលាម៉ោង ៩:៤៥នាទីព្រឹក ថ្ងៃអាទិត្យ ទី៣១ ខែកក្កដា ឆ្នាំ២០២២ ក្នុងជន្មាយុ ៨៩ឆ្នាំ ដោយជរាពាធ ក្នុងមទ្ទីរពេទ្យបង្អែកខេត្ត ស្វាយរៀង។
ឯកឧត្តមប្រធានប្រឹក្សាខេត្ត ឯកឧត្តមអភិបាលខេត្ត ថ្នាក់ដឹកនាំ មន្ត្រីរាជការសាលាខេត្តស្វាយរៀង សូមចូលរួមរំលែកទុក្ខដ៏ក្រៀមក្រំជាមួយក្រុមគ្រួសារ និងសូមបួងសួងដល់វិញ្ញាណក្ខន្ធនៃសព មហាឧបាសិការ ដុក ខែន ឆាប់បានចាប់បដិសន្ឋិក្នុងសុគតិភពកុំបីឃ្លៀងឃ្លាតឡើយ៕
