ព្រះវិហារ៖តាមរយៈហ្វេសប៊ុកផេករបស់មន្ទីរសាធារណការនិងដឹកជញ្ជូនខេត្តព្រះវិហារបានបង្ហោះថា នៅថ្ងៃសៅរ៍ ១៣រោច ខែ ពិសាខ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៨ ខែឧសភា ឆ្នាំ២០២២ នេះ ក្រុមការងារថែទាំផ្លូវថ្នល់នៃមន្ទីរសាធារណការ និងដឹកជញ្ជូន ខេត្តព្រះវិហារ បានចាប់ផ្តើមធ្វើសកម្មភាព ជួសជុល ថែទាំឡើងវិញ កំណាត់ផ្លូវជាតិលេខ៩២ ប្រវែង៨៧.៨គីឡូម៉ែត្រ ដោយធ្វើការកៀរសម្រួល ស្រោចទឹក កិនបង្ហាប់ ដើម្បីសម្រួលដល់ការធ្វើដំណើរ ក៏ដូចជាដឹកជញ្ជូនកសិផលនានារបស់ប្រជាពលរដ្ឋមានភាពងាយស្រួល។ សូមបងប្អូនដែលធ្វើដំណើរឆ្លងកាត់លើកំណាត់ផ្លូវជាតិលេខ៩២ សូមមេត្តាយោគយល់ និងបើកបរដោយប្រុងប្រយ័ត្ន ប្រកបដោយស្មារតីទទួលខុសត្រូវ ខ្ពស់ ដើម្បីជៀសវាងការកើតឡើងនូវករណីគ្រោះថ្នាក់ជាយថាហេតុផ្សេងៗ៕
