ព្រះវិហារ៖ក្នុងទិសដៅការពារនិងកាត់បន្ថយករណីគ្រោះថ្នាក់ចរាចរណ៍ ដែលតែងកេីតមានឡេីងនៅតាមដងផ្លូវ ដោយសារយានយន្តកែឆ្នៃខុសលក្ខណះបច្ចេកទេស ពិសេសគោយន្តកន្ត្រៃយ៍ដែលមិនមានបំពាក់ភ្លេីងសញ្ញាត្រឹមត្រូវនោះ ក្រុមការងារសុវត្ថិភាពចរាចរណ៍ផ្លូវគោកនៃមន្ទីរសាធារណការនិងដឹកជញ្ជូនខេត្ត បានធ្វេីការសហការជាមួយកម្លាំងកងរាជអាវុធហត្ថ កម្លាំងនគរបាលចរាចរណ៍ផ្លូវគោក ចុះបិទស្ទីកឃ័រចំណាំងផ្លាតលើគោយន្តកន្ត្រៃយ៍ តាមកំណាត់ផ្លូវជាតិសំខាន់ៗក្នុងភូមិសាស្ត្រខេត្តព្រះវិហារ បានចំនួន ១០២គ្រឿង ស្មើនឹង ៤០០សន្លឹក។
ក្រុមការងារបានធ្វេីការណែនាំដល់ម្ចាស់គោយន្ត ត្រូវរក្សា ការពារ ស្ទីកឃ័រ ដែលបានបិទនៅលេីគោយន្តនេះ កុំឱ្យឆាប់ខូចឫរហែក ពិសេសការពារកុំឱ្យកូនចៅតូចៗបកលែង ព្រោះស្ទីកឃ័រនេះមានសារ:សំខាន់ខ្លាំងណាស់ អាចការពារយេីងនិងអ្នកដ៍ទៃពីគ្រោះថ្នាក់ចរាចរណ៍បាន ពិសេសការបេីកបរនៅពេលយប់។
សូមចូលរួមគោរពច្បាប់ស្ដីពីចរាចរណ៍ផ្លូវគោកទាំងអស់គ្នា!
