(បន្ទាយមានជ័យ)៖ បើកម៉ូតូបុកគ្នាពេញទំហឹងម្ខាងស្លាប់ ម្ខាងរងរបួសធ្ងន់ ហេតុការណ៍បានកើតឡើងនៅវេលាម៉ោង២០.០៥នាទី ថ្ងៃទី២១ខែ ឧសភា ឆ្នាំ២០២២ នៅចំណុចផ្លូវជាតិលេខ៥៨ ត្រង់ផ្លូវចូលវត្តអូរនាង ក្នុងភូមិអូរនាង សង្កាត់ផ្សារកណ្តាល ក្រុងប៉ោយប៉ែត។
នគរបាលចរាចរណ៍ក្រុងប៉ោយប៉ែតបានឲ្យដឹងថា ពេលកើតហេតុឈ្មោះ បុន ទី អាយុ ២៩ ឆ្ឆាំ ភេទប្រុស មុខរបរ កម្មករ រស់នៅក្នុងភូមិអូរនាង,សង្កាត់អូរឬស្សី ក្រុងប៉ោយប៉ែត ខេត្តបន្ទាយមានជ័យ បើកបរម៉ូតូម៉ាកហុងដាឌ្រីម ធុនសេ១២៥ ពណ៌ខ្មៅ ពាក់ស្លាកលេខ ប-មានជ័យ 1K-9687 បើកពីជើងទៅត្បូង។ ចំណែកអ្នករងរបួសធ្ងន់ ភេទស្រី (ក្តាប់អត្តសញ្ញាណមិនបាន) ត្រូវបានសាច់ញាតិដឹកយកទៅសង្រ្គោះ មុនពេលនគរបាលចុះទៅដល់កន្លែងកើតហេតុបើកបរម៉ូតូម៉ាកហុងដាឌ្រីមធុនសេ១២៥ ពាក់ស្លាកលេខសៀមរាប 1Y-5172 ពីត្បូងទៅជើង ។
ប្រភពដដែលបានឲ្យដឹងថា ហេតុការណ៍នេះ បណ្តាលឲ្យជនរងគ្រោះឈ្មោះ ប៊ុន ទីបានស្លាប់នៅហ្នឹងកន្លែង ដោយសារជនរងគ្រោះឈ្មោះ ប៊ុន ទី បើកបរមិនប្រកាន់ស្តាំ ហើយបើកបរក្នុងល្បឿនលឿនទើបបុកជាមួយម៉ូតូស្ត្រីជនរងគ្រោះ ពេញទំហឹង បណ្តាលឲ្យស្ត្រីម្ចាស់ម៉ូតូរងរបួសធ្ងន់ ត្រូវបានសាច់ញាតិយកទៅមន្ទីរពេទ្យ។ ចំណែកម៉ូតូទាំងពីរគ្រឿងត្រូវបានសមត្ថកិច្ចយកទៅរក្សារទុកនៅអធិការដ្ឋាននគរបាលក្រុងប៉ោយប៉ែតដើម្បីដោះស្រាយគ្នានៅពេលក្រោយ៕(សៅ នៅ)
