ព្រះវិហារ៖ លោកស្រី ថោង ស្រីពៅ រួមនិងក្រុមការងារ តំណាងអង្គការអាត្រា ប្រចាំនៅស្រុកជាំក្សាន្ត ខេត្តព្រះវិហារ បាននាំយកអំណោយសង្គ្រោះបឋម មកចែកជូនដល់ប្រជាពលរដ្ឋដែលមានជីវភាពខ្វះខាតចំនួន១៤០គ្រួសារ ដែលបានអញ្ជើញមកពីភូមិទាំង៧ ក្នុងឃុំស្រអែម ស្រុកជាំក្សាន្ត ខេត្តព្រះវិហារដើម្បីទទួលអំណោយនៅរសៀលថ្ងៃទី២៧ ខែមករា ឆ្នាំ២០២១នេះ។
ពិធីចែកអំណោយនេះដែរ ក្រោមកិច្ចសហការពីលោក ប្រាក់ ភី មេឃុំស្រអែម លោក ង៉ែត សុផល ជំទប់ទី១ និងលោកស្រី ចែន មូលីកា ទទួលបន្ទុកកិច្ចការស្ត្រី និងកុមារប្រចាំឃុំស្រអែម ស្រុកជាំក្សាន្ត ខេត្តព្រះវិហារ។
សម្ភារអំណោយនេះរួមមាន ក្នុងមួយគ្រួសារទទួលបាន អង្ករ ២០គីឡូ, ប្រេងឆា ១ដប, ត្រីខ៦កំប៉ុង, សណ្ដែកដី ១គីឡូ, សណ្ដែកបាយ ១គីឡូ, ទឹកត្រី ១ដប, ទឹកស៊ីអ៊ីវ ១ដប ហើយក្នុងនោះលោកស្រី ថោង ស្រីពៅ តំណាងអង្គការអាត្រា ប្រចាំនៅស្រុកជាំក្សាន្តបានលើកឡើងថា ទោះបីអំណោយវាមានតិចតួចក្ដីកវាជាការចូលរួមចំណែកចែករំលែកជូនដល់បងប្អូនសម្រាប់ដោះស្រាយក្នុងជីវភាពប្រចាំថ្ងៃរបស់បងបងប្អូនបានមួយគ្រា ដែលនេះជាទឹកចិត្តក្នុងនាមខ្មែជួយខ្មែរទៅតាមនូវអ្វីដែលអាចធ្វើទៅបាន៕
