ដោយ៖សុក្ខារិន
ខេត្តកំពង់ឆ្នាំង :នៅព្រឹកថ្ងៃទី០១ ខែតុលា ឆ្នាំ២០២១ សម្តេចចៅហ្វាវាំង គង់ សំអុល ឧបនាយករដ្ឋមន្ត្រី រដ្ឋមន្រ្តីក្រសួងព្រះបរមរាជវាំង តំណាងដ៏ខ្ពង់ខ្ពស់ព្រះករុណាព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា អមដំណើរដោយឯកឧត្តម គុយ សុផល ទេសរដ្ឋមន្ត្រីទទួលបន្ទុកកិច្ចការទូទៅអមក្រសួងព្រះបរមរាជវាំង ឯកឧត្តម ម៉ន វុទ្ធី ទីប្រឹក្សាសម្ដេចចៅហ្វាវាំង គង់ សំអុល និង ជាប្រធានក្រុមការងារចុះជួយ មូលដ្ឋានស្រុកជលគិរី ឯកឧត្តម ឡុង ឈុនឡៃ ប្រធានក្រុមប្រឹក្សាខេត្ត ឯកឧត្តម ស៊ុន សុវណ្ណារិទ្ធ អភិបាលខេត្តកំពង់ឆ្នាំង ឯកឧត្តម លោកជំទាវ លោក លោកស្រី ប្រតិភូក្រសួងព្រះបរមរាជវាំងអាជ្ញាធរដែនដី ។
បានអញ្ជើញចុះពិនិត្យមើលការដ្ឋានសាងសង់ អគារសិក្សា១ខ្នង ២ជាន់ អគារទីចាក់ការ១ខ្នង បណ្ណាល័យ១ខ្នង បន្ទប់អនាម័យ១ខ្នង និងរបងថ្ម នៅវិទ្យាល័យប្រពៃគិរី ស្ថិតនៅឃុំព្រីគ្រី ស្រុកជលគិរី ដែលជាព្រះរាជអំណោយដ៏ថ្លៃថ្លារបស់ សម្តេចព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជា៕
