ដោយៈ សៅ នៅ
បន្ទាយមានជ័យ៖ រដ្ឋបាលក្រុងសិរីសោភ័ណ នៅថ្ងៃទី18 ខែសីហា ឆ្នាំ2021នេះ បានបន្តចុះបិទជាបណ្ដោះអាសន្ន ផ្សារទឹកថ្លា ស្ថិតក្នុងសង្កាត់ ទឹកថ្លាក្រុងសិរីសោភ័ណ ខេត្តបន្ទាយមានជ័យ ជាបណ្តោះអាសន្ន បន្ទាប់ពីរកឃើញអ្នកវិជ្ជមានខូវីដ-19 ចំនួន126នាក់។
អាជ្ញាធរក្រុងសិរីសោភ័ណបានឲ្យដឹងថា ការចុះបិទ ផ្សារទឹកថ្លាជាបណ្តោះអាសន្ន បានអញ្ជើញបងប្អូនអាជីវករដើម្បីយកសំណាកតេស្តរហ័សរកកូវីដ-19 ចំនួនចំនួន505នាក់ ធ្វើតេស្តរហ័ស លទ្ធផល រកឃើញវិជ្ជមាន126នាក់។ អាជ្ញាធរបញ្ជាក់ថា បើសិនជាមានអាជីវករណា ធ្វើការគេចវេស មិនព្រមមកយកសំណាកពិនិត្យរកមេរោគខូវីដ-19 នោះទេ និងឈប់ឲ្យលក់នៅក្នុងផ្សារនោះទៀតហើយ ក្រោយពីបើកផ្សារឡើងវិញ។
គួរបញ្ជាក់ដែរថា៖ នេះមិនមែនជាលើកទីមួយទេដែលរដ្ឋបាលក្រុងសិរីសោភ័ណ បានចុះបិទផ្សារនៅក្នុងក្រុងសិរីសោភ័ណ ក្រោយពីមានអាជីវករផ្សាររកឃើញវិជ្ជមាន។ រហូតមកទល់ពេលនេះ រដ្ឋបាលក្រុង បានបិទផ្សារចំនួន៥ រួមមាន 1-ផ្សារអូរអំបិល, 2-ផ្សារ ហ៊ុយឡេង 3-ផ្សារចំការគរ (ហៅ ផ្សារថ្មី ), 4-ផ្សារ សិរីសោភ័ណ និងទី5 -ផ្សារ ទឹកថ្លា៕
