កំពង់ចាម : ក្នុងឱកាសជួបសំណេះសំណាលជាមួយ ថ្នាក់ដឹកនាំ អាជ្ញាធរ ខេត្តកំពង់ចាម នាព្រឹកថ្ងៃទី១២ ខែមិថុនា ឆ្នាំ២០២១នេះ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួង ទំនាក់ទំនង ជាមួយ រដ្ឋ សភា – ព្រឹទ្ធសភា និង អធិការកិច្ច បានកោតសសើរចំពោះឯកឧត្តម អ៊ុន ចាន់ ដា អភិបាលខេត្ត និង លោកជំទាវ ញូ ង ចរិយា អ៊ុន ចាន់ ដា ប្រធានកិត្តិយស សាខា សមាគមនារី កម្ពុជា ដើម្បី សន្តិភាព និង អភិវឌ្ឍន៍ ខេត្តកំពង់ចាម ក៏ដូចជាមន្ត្រី ពាក់ព័ន្ធ ទាំងអស់ ដែលបានចូលរួមចំណែកយ៉ាងសកម្មជាមួយរាជរដ្ឋាភិបាល ក្នុងការប្រយុទ្ធប្រឆាំងនឹងជំងឺកូវីដ-១៩ យ៉ាងសស្រាក់សស្រាំ ប្រកបដោយភាពទទួលខុសត្រូវខ្ពស់ ។ 
ក្នុងឪកាសនោះ លោកជំទាវកិត្តិសង្គហបណ្ឌិត បានផ្តាំផ្ញើរដល់ សមាគមន៍នារី និងរដ្ឋបាលខេត្តគ្រប់លំដាប់ថ្នាក់ ឲ្យបន្តគោរព និងអនុវត្តន៍ ឲ្យ បានខ្ជាប់ខ្ជួនតាមវិធានរបស់ក្រួងសុខាភិបាល ជាពិសេស វិធានការណ៍ ៣ការពារ ៣កុំ របស់រដ្ឋាភិបាលរាជរដ្ឋាភិបាល ក្នុងការលុបបំបាត់នូវការឆ្លងរីករាលដាលនៃជំងឺកូវីដ-១៩ ដែលកើតចេញពីព្រឹត្តិការណ៍ ២០កុម្ភៈ ។ជាមួយគ្នា នោះ លោកជំទាវក៏បាននាំយកអំណោយមកប្រគល់ជូនដល់សមាគមនារីកម្ពុជាដើម្បីសន្តិភាពនិងអភិវឌ្ឍន៍ខេត្តកំពង់ចាម រួមមាន ៖ ម៉ាស់ ៧.៥០០ម៉ាស់ ជែល ១៤៤ដប និងថវិកា ៣លានរៀលផងដែរ ។ឆ្លៀត ក្នុងឱកាសនោះដែរ លោកជំទាវកិត្តិសង្គហបណ្ឌិត បានអញ្ជើញ សួរសុខទុក្ខ លោកជំទាវ ហម អ៉ីម សមាជិកាកិត្តិយសសាខាសមាគមនារីកម្ពុជាដើម្បីសន្តិភាពនិងអភិវឌ្ឍន៍ខេត្តកំពង់ចាម (មានជម្ងឺត្បៀតសសៃឈាមអាក់ទែបេះដូង) ដែលបច្ចុប្បន្នកំពុងសម្រាកព្យាបាលនៅផ្ទះ ស្ថិតក្នុងសង្កាត់វាលវង់ ក្រុងកំពង់ចាម ផងដែរ ៕
