ខេត្តស្វាយរៀង៖ឯកឧត្តមបណ្ឌិត កែរ រដ្ឋា ប្រធានមន្ទីរសុខាភិបាលខេត្តស្វាយរៀង នៅរសៀល ថ្ងៃទី១០ ខែមិថុនា ឆ្នាំ២០២១នេះ បានថ្លែងប្រាប់ក្រុមអ្នកសារព័ត៌មានយើងដឹងថា៖ ស្ថានភាពជំងឺកូវីដ-១៩នៅខេត្ត ស្វាយរៀងនាបច្ចុប្បន្ននេះមិនទាន់ថមថយនៅឡើយនោះទេ ខណៈដែលក្រុម ការងារ នៅតែបន្តរកឃើញវិជ្ជមានជំងឺ covid-19 នៅក្នុងសហគមន៍ និងនៅតាមរោងចក្រ ។ ប៉ុន្តែ ឯកឧត្ដម បណ្ឌិត មាន ប្រសាសន៍ ថា មន្ទីរសុខាភិបាលខេត្ត នឹង សហការ ជាមួយ អាជ្ញាធរ ខេត្ត និង ភាគី ពាក់ព័ន្ធ ទប់ស្កាត់ ប្រយុទ្ធ ប្រឆាំង នឹង ជំងឺ កូវីដ -១៩ បំបាត់ ឱ្យ អស់ ចេញ ពី ខេត្ត ស្វាយរៀង ។
ឯកឧត្តមបណ្ឌិតបានបន្ថែមទៀតថា៖ជំងឺកូវីដ-១៩ នៅសហគមន៍ និងរោងចក្រសហគ្រាស មិនទាន់បានថមថយនោះមូលហេតុ៖
ទី១ .ក្រុមកម្មករកម្មការិនីរោងចក្រមិនព្រម យក សំណាក នៅតាម រោងចក្រ និង មិន ព្រម ធ្វេីចត្តាឡីស័ក នៅ ក្នុង រោងចក្រ ពួកគាត់ ទៅផ្ទះ ចម្លង ជំងឺកូវីដ-១៩ ចូលក្នុង សហគមន៍។
ទី២.មិន រក្សា គម្លាតក្នុងពេលធ្វើដំណើរទៅរោងចក្រស ហគ្រាស ដោយ មានការប្រមូលផ្ដុំគ្នាជិះរថយន្តរួមគ្នាច្រើន ។
ទី ៣ .ពលករ មួយចំនួន ត្រឡប់ មក ពី ប្រទេស ថៃ យក ជំងឺ កូវីដ -១៩ មក ជាមួយនិង
ទី ៤ .ការ មិន គោរព តាម វិធានការ សុខាភិបាល និង វិធានការ ៣ការពារ ៣កុំ របស់ សម្តេច តេជោ ហ៊ុន សែន ។ល។ ឯកឧត្តមបណ្ឌិត ផ្តល់របាយការណ៍ថា នៅក្នុងព្រឹតិ្តការណ៍សហគមន៍ ២០កុម្ភ: ខេត្ត ស្វាយរៀងមានប្រជាពលរដ្ឋខ្មែរ និងជនបរទេស គិតត្រឹមថ្ងៃទី៩ ខែមិថុនា ឆ្នាំ២០២១ បានឆ្លងជំងឺកូវីដ-១៩ មានចំនួន ១១៧៤ នាក់ ស្រី ចំនួន៦៧៦នាក់ ស្លាប់ចំនួន ៧នាក់ ព្យាបាលជាសះស្បើយចំនួន ៧៣៦ នាក់ ស្រី ៤១០នាក់ និងកំពុងធ្វើការព្យាបាលចំនួន ៤៣0នាក់ ស្រី ២៦៤នាក់ ។
