ខេត្តកណ្ដាលៈ សមត្ថកិច្ចបានឲ្យដឹងនៅថ្ងៃ៣០ ខែឧសភាឆ្នាំ២០២១ ថាមានករណីអំពើផិត កាលពីព្រលប់ ថ្ងៃ២៩ ខែឧសភា ឆ្នាំ២០២១ នៅចំណុចផ្ទះសំណាក់ យីហោ” សេង ឆេង ” ភូមិកំពង់សំណាញ់១ សង្កាត់កំពង់សំណាញ់ ក្រុងតាខ្មៅ ខេត្តកណ្តាល ។
ជនរងគ្រោះជាប្តីមាន ឈ្មោះសេង ឈិន ភេទប្រុស អាយុ ៤១ ឆ្នាំ ជនជាតិខ្មែរ ទីលំនៅភូមិអរិយក្សត្រ ឃុំអរិយក្សត្រ ស្រុកល្វាឯម ខេត្តកណ្តាល មុខរបរលក់គ្រឿងសំណង់។
ចំណែកជនសង្ស័យ២នាក់ មាន÷១-ឈ្មោះ ជ សៀកមួយ ភេទស្រី អាយុ៣១ឆ្នាំ ជនជាតិខ្មែរ ទីលំនៅភូមិអរិយក្សត្រ ឃុំអរិយក្ស ត្រ ស្រុកល្វាឯម ខេត្ត កណ្តាល មុខរបរលក់គ្រឿងសំណង់ ត្រូវជាប្រពន្ធរបស់ជនរងគ្រោះ (ឃាត់ខ្លួន) ។ ២-ឈ្មោះ ជា ជំនិត ភេទប្រុស អាយុ៤២ឆ្នាំ ទីលំនៅភូមិព្រែកព្នៅ សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ មុខរបរលក់គ្រឿងសំណង់ ជាប្រុសសហាយ(ឃាត់ខ្លួន)។ ១. វត្ថុតាងចាប់យក រថយន្ត១គ្រឿង ម៉ាកford ពណ៌ស ស៊េរីឆ្នាំ ២០២១ ពាក់ផ្លាកលេខ កម្ពុជា CHSM7798 ។ ២. ទូរស័ព្ទដៃ២គ្រឿង (ម៉ាកSAMZUNG NOt8 និងម៉ាក iphone7plus ពណ៌ខ្មៅ) ។ បើតាមរបាយការណ៍របស់អធិការដ្ឋាននគរបាលក្រុងតាខ្មៅ បានបញ្ជាក់ថា កន្លងមក ជនរងគ្រោះជាប្តី និងជនសង្ស័យ ជាប្រពន្ធ បានរៀបការ និងចុះសំបុត្រអាពាហ៍ពិពាហ៍ជាមួយ គ្នា រយះពេល១២ឆ្នាំមកហើយ រហូតមកដល់បច្ចុប្បន្ននេះ មានកូន៣នាក់ ប្រុស២នាក់ ស្រី១នាក់ ហើយក្នុងរយះពេល ៣ឆ្នាំចុងក្រោយនេះ ចេះតែមានភាពរកាំរកូស មិនចុះសម្រុងនឹងគ្នា ដោយមានការសង្ស័យ ទៅលើប្រពន្ធថាមានសាហាយ ទើបជនរងគ្រោះជាប្តី បានដាក់ប្រព័ន្ធGPS ជាប់រថយន្តម៉ាក ford ដែលតែងតែប្រពន្ធជិះ ។ លុះដល់ថ្ងៃកើតហេតុខាងលើជនសង្ស័យជាប្រពន្ធបាន សុំជូនម្តាយទៅលេងស្រុកកំណើត ដោយមានការសង្ស័យ ជនរង គ្រោះជាប្តី ក៏បានតាមដានប្រពន្ធ តាមរយៈប្រព័ន្ធGPS ដែលដាក់ជាប់រថយន្ត ទើបឃើញប្រពន្ធនាំប្រុសសាហាយទៅ ដេកនៅផ្ទះ សំណាក់យីហោ “សេងឆេង” រួច ហើយក៍បានប្តឹងសមត្ថកិច្ចឲ្យចុះធ្វើការឃាត់ខ្លួន យកមកសាកសួរ នៅប៉ុស្តិ៍កំពង់សំណាញ់ រួចបញ្ជូនបន្តមកកាន់ អធិការដ្ឋាននគរបាលក្រុងតាខ្មៅដើម្បីចាត់ ការបន្តរ តាមនីតិវិធីច្បាប់ ។SPS
