នៅរសៀលថ្ងៃសុក្រទី២៨ ខែឧសភាឆ្នាំ ២០២១ ឧត្តមសេនីយ៍ទោ សោម ស៊ុន មេបញ្ជាការតំបន់ ប្រតិបត្តិការសឹករងកំពង់ធំ ប្រធានសមាគមអតីតយុទ្ធជនកម្ពុជាខេត្តកំពង់ធំ រួមដំណើរដោយលោកអ៊ុត វណ្ណារ៉ា អភិបាលស្រុក ប្រធានកិត្តិយសសមាគមអតីតយុទ្ធជនកម្ពុជាស្រុកប្រាសាទសំបូរ រួមនឹងសហការី បាននាំស្បៀងអាហារទៅសំណេះសំណាលសួរសុខទុក្ខ អតីតយុទ្ធជនពិការ និង គ្រួសារអតីតយុទ្ធជនពលីចំនួន ២០ គ្រួសារ ដែលមានជីវភាពលំបាកខ្វះខាត ដោយរងផលប៉ះពាល់ ដោយសារការឆ្លងរីករាលដាលដល់មេរោគកូវីដ19 នៅវត្តអន្លង់គង ឃុំគោល ស្រុកប្រាសាទសំបូរ-ខេត្តកំពង់ធំ ។
ក្នុងឱកាសនេះដែរក្រុមការងារយើងបាននាំយកនូវអំណោយរបស់ឯកឧត្តមបណ្ឌិតហ៊ុន ម៉ាណែត និងលោកជំទាវពេជ ចន្ទមុន្នី ទៅជួយឧបត្ថម្ភជូនគាត់ដោយក្នុងមួយគ្រួសារទទួលបានអង្ករចំនួន ២៥គីឡូក្រាម មីចំនួនមួយកេស ត្រីខចំនួនមួយយួរ ទឹកត្រីទឹកស៊ីអ៊ីវចំនួន២យួរ ទឹកសុទ្ធចំនួនមួយយួរ និងថវិកាមួយចំនួនផងដែរ៕
