កំពង់ធំៈ យ៉ាងហោចណាស់មនុស្ស៣នាក់បានស្លាប់បាត់បង់ជីវិតយ៉ាងអណោចអធម៌ និង៥នាក់ទៀត រងរបួសធ្ងន់ស្រាល ដោយសារគ្រោះធម្មជាតិរន្ទៈបាញ់ ហេតុការណ៍នេះបានកើតឡើង នៅវេលាម៉ោង១៦និង ៥០នាទី ថ្ងៃទី២៧ ខែឧសភា ឆ្នាំ២០២១ នៅចំណុចផ្ទះចាំចំការ តំបន់ទួលស្មោញ ក្នុងភូមិគគីរ ឃុំសាលាវិស័យ ស្រុកប្រាសាទបល្ល័ង្ក ខេត្តកំពង់ធំ ។
សមត្ថកិច្ចបានបញ្ជាក់ថាជនរងគ្រោះស្លាប់បាត់បង់ជីវិត មនុស្ស៣នាក់ និងរងរបួសធ្ងន់ស្រាល ៤នាក់ ក្នុងហេតុការណ៍គ្រោះធម្មជាតិនេះរួមមាន៖ អ្នកស្លាប់ ទី១ ឈ្មោះ ស៊ុន រ៉ា ភេទប្រុស អាយុ ៤២ឆ្នាំ , ទី២ ឈ្មោះ ធួក លីម ភេទប្រុស អាយុ ៦២ឆ្នាំ, ទី៣ ឈ្មោះ ឯម ស្រ៊ាន់ ភេទប្រុស អាយុ ៤៥ឆ្នាំ សពទាំងនេះ រស់នៅ ភូមិឃុំកេីតហេតុខាងលេីនេះ ។
សមត្ថកិច្ចបានបន្តថា ជនរងគ្រោះរងរបួសធ្ងន់ស្រាល ៤នាក់ ក្នុងហេតុការណ៍គ្រោះធម្មជាតិនេះរួមមាន៖ ទី១ ឈ្មោះ សួស គីម ភេទប្រុស អាយុ ៥៨ឆ្នាំ (របួសស្រាល) , ទី២ ឈ្មោះ ព្រុំ លាត ភេទប្រុស អាយុ ៦៧ឆ្នាំ (របួសស្រាល) , ទី៣ ឈ្មោះ ធួក និល ភេទប្រុស អាយុ ៥៨ឆ្នាំ (របួសធ្ងន់) , ទី៤ ឈ្មោះ សៀន យ៉ុន ភេទប្រុស អាយុ ៣៥ឆ្នាំ(របួសធ្ងន់) , និងទី៥ ឈ្មោះ ខន ខាន់ ភេទប្រុស អាយុ (របួសស្រាល) ទាំងអស់គ្នារស់នៅភូមិគគីរ ឃុំសាលាវិស័យ ស្រុកប្រាសាទបល្ល័ង្ក ខេត្តកំពង់ធំ ។
សូមបញ្ជាក់ថា ជនរងគ្រោះខាងលេីនេះ ជាក្រុមការងារចុះវាស់វែងផ្លូវលំនៅចំណុចតំបន់ខាងលើ ពេលមានភ្លៀងធ្លាក់ក៏នាំគ្នាចូលជ្រក ភ្លាមនោះត្រូវរន្ទះបាញ់តែម្ដង ។
ក្រោយទទួលបានព័ត៌មានខាងលើកម្លាំងជំនាញស្រុក កម្លាំងប៉ុស្តិ៍រដ្ឋបាល សហការជាមួយ អាជ្ញាធរមូលដ្ឋានចុះពិនិត្យកន្លែងកើតហេតុ និងសាកសព។ សពត្រូវបានក្រុមគ្រួសារយកទៅផ្ទះរៀងៗខ្លួន រីឯអ្នករងរបួសធ្ងន់ស្រាលត្រូវបាន សមត្ថកិច្ច នគរបាលដឹកតាមរថយន្តសង្គ្រោះបន្ទាន់បញ្ជូនទៅពេទ្យដើម្បីជួយសង្គ្រោះបន្ទាន់ផងដែរ៕SPS
