ខេត្តកំពង់ឆ្នាំង : បន្ទាប់ពីមានបិទផ្សារព្រៃខ្មែរមិនអោយដំណើរការលក់ដូរ បាន រយះពេល4ថ្ងៃនៅក្នុង ឃុំជ្រៃបាក់ស្រុករលាប្អៀដោយបានអនុវត្តន៍ តាមការណែនាំរបស់រដ្ឋបាលសាលាខេត្តកំពង់ឆ្នាំង ស្តីពីការទប់ស្កាត់ប្រឆាំងការរីករាលដាលនៃជំងឺកូវីដ19 នៅថ្ងៃទី 23 ខែមេសា ឆ្នាំ2021 នេះ ក្រុមការងាររបស់មន្ទីរសុខាភិបាល និងអាជ្ញាធរមូលដ្ឋាន ក៏បានចុះបាញ់ថ្នាំសម្លាប់មេរោគ ក្នុងបរិវេណផ្សារផងដែរ។ ប្រធានការិយាល័យ បង្ការ និងគ្រប់គ្រងជំងឺឆ្លងនៃមន្ទីរសុខាភិបាល ខេត្តកំពង់ឆ្នាំង លោកវិជ្ជបណ្ឌិត គង់ចន្ទ័ធា បានបញ្ជាក់ឲ្យដឹងនៅ ថ្ងៃនេះថាដោយទទួលបានការ ស្នើសុំពីឯកឧត្តមអភិបាល ខេត្តកំពង់ឆ្នាំង ក៏ដូច ការណែនាំរបស់ លោកប្រធានមន្ទីរសុខាភិបាល ខេត្តកំពង់ឆ្នាំង ស្ដីពីការចុះ បាញ់ថ្នាំសម្លាប់មេរោគនៅក្នុងផ្សារព្រៃខ្មែរដែលក្រុមការងាររបស់លោក បានអនុវត្តដោយ បាញ់ថ្នាំនៅក្នុងបរិវេណផ្សារ និងតាមជាយៗផ្សារមួយចំនួនដែលតាម អាជ្ញាធរស្រុក ចង្អុលបង្ហាញ ។ ពាក់ព័ន្ធទៅនិងការបិទ ផ្សារព្រៃខ្មែរ និងបើកសឮឲ្យអាជីវករលក់ដូរវិញនៅ ថ្ងៃណានោះ លោកក៍មិន ដឹងច្បាស់នោះទេ ប៉ុន្តែបើតាមសេចក្តីជូនដំណឹងរបស់រដ្ឋបាលសាលាខេត្ត គឺបិទវគ្គពេល 14 ថ្ងៃ ហើយបើគ្មានការប្រែប្រួលទេ គ្រប់ 14ថ្ងៃអាជីវករនិងអាចលក់ដូរឡើង វិញបានហើយដូច ផ្សារពង្រអញ្ចឹង ។ដោយឡែក អភិបាលរង ស្រុករលាប្អៀរ លោក សេងវិចិត្រ បានអោយដឹងថា ផ្សារព្រៃខ្មែរបានបិទនៅថ្ងៃទី 20 ខែមេសា បន្ទាប់ពីរកឃើញមាន ក្រុមគ្រួសារ អ្នកស្លាប់ដោយសារ covid-19 ម្នាក់នៅភូមិព្រះរាមរង្សី ឃុំជ្រៃបាក់តែងតែចេញចូលក្នុងផ្សារព្រៃខ្មែរ ជាញឹកញាប់ ទើបរដ្ឋបាលសាលាខេត្តសម្រេចបិទជាបណ្ដោះអាសន្ន ព្រមទាំងទីតាំងពាក់ព័ន្ធមួយ ចំនួនទៀត ។ អភិបាលរងស្រុករលាប្អៀលោក សេង វិចិត្រ បានអោយដឹងទៀតថាក្រោយពីបិទផ្សារ ក្រុមការងារ របស់អាជ្ញាធមូលដ្ឋាននិងក្រុមគ្រូពេទ្យក៏បានសហការគ្នាចុះស្រាវ ជ្រាវរកអ្នកពាក់ព័ន្ធ ក្នុងផ្សារបន្ត និងបានស្ម័គ្រចិត្តទៅយកសំណាក រកមេរោគកូវីត19 ហើយក្នុង រយៈពេលតែ2ថ្ងៃ គឺថ្ងៃទី 21 និង 22 ខែមេសា ២០២១នេះមានអាជីវករស្ម័គ្រចិត្តទៅធ្វើទៅយកសំណាកមានចំនួនជាង 100 នាក់ និងនៅថ្ងៃទី 23 ក៏មានអាជីវករនៅតែបន្តទៅយកសំណាក់នៅឡើយ ដូច្នេះចំនួនពិតប្រាកដនៅ មិនទាន់ដឹងនៅឡើយទេ ។គួររំលឹកដែរថាបន្ទាប់ពីមានបុរសម្នាក់ឈ្មោះនូ ចុល អាយុ 57 ឆ្នាំ រស់នៅ ភូមិព្រះរាម រង្សី ឃុំជ្រៃបាក់ ស្រុករលាប្អៀរបានស្លាប់នៅក្នុងមន្ទីរពេទ្យខេត្ត កាលពីទៀបភ្លឺថ្ងៃទី 19 ខែមេសា និងបានធ្វើសំណាក ឃើញមានវិជ្ជមាន 19 មន្ទីរជំនាញក៏ដូចជាអាជ្ញាធរ បានព្យាយាមប្រឹងប្រែង ទប់ស្កាត់ដោយចេញ វិធានការបិទទីតាំង 4 កន្លែង ក្នុងនោះមានបិទផ្សារ ព្រៃខ្មែរ បិទគ្លីនិកឯកជន នៅសង្កាត់ផ្សារឆ្នាំង បិទវត្តភ្នំយោង និងបិទផ្ទប់ភូមិព្រះរាមរង្សីដែលជាទីលំនៅរបស់អ្នកមានវិជ្ជមានគូ វិដ19 ផងដែរ។ ទោះយ៉ាងណាលទ្ធផល នៃការយកសំណាកទៅធ្វើតេស្ត លើអ្នកពាក់ព័ន្ធ និងក្រុមគ្រួសារ សាច់ញាតិ នៃសព ដែលចេញដោយវិទ្យាស្ថានជាតិប៉ាស្ទ័រនៅរសៀលថ្ងៃទី 22 ម្សិលមិញនេះគឺអវិជ្ជមានទាំងអស់ ៕ អ្នកស្រីសានផល្លា
