កំពង់ចាម : ឯកឧត្តម អ៊ុន ចាន់ដា អភិបាលខេត្តកំពង់ចាម និងជាប្រធានគណកម្មការខេត្តប្រយុទ្ធ ប្រឆាំងនឹងជំងឺកូវីដ-១៩ រួមនឹងអភិបាលរងខេត្តនាព្រឹក ថ្ងៃទី ២៦ ខែមិនា ឆ្នាំ ២០២១នេះ បានបន្តទទួលអំណោយពីសប្បុរសជននានាក្នុងការចូលរួមជាមួយរាជរដ្ឋាភិបាលដើម្បីទប់ស្កាត់ការ ឆ្លងរីករាលដាលនៃ ជំងឺកូវីដ-១៩ ខណៈកម្ពុជាកំពុងស្ថិតក្នុងដំណាក់កាលរួមគ្នាប្រយុទ្ធ ប្រឆាំង នឹង ជំងឺ ដ៏ កាច សាហាវ នេះ ។
គួរ បញ្ជាក់ ថា ក្នុង ពិធី ប្រគល់ និងទទួល អំណោយ នេះ ដោយលោក លី ចាន់ ធី ប្រធាន មន្ទីរ រែ និង ថាមពល ខេត្តកំពង់ចាម ជួយ ឧបត្ថម្ភ ថវិកា ១លានរៀល . មន្ទីរ រ៉ែ និង ថាមពល ក្រុមហ៊ុន សហគ្រាស អាជីវកម្ម ខ្សាច់ និង សេវាករ អគ្គិសនី ខេត្តកំពង់ចាម ជួយ ឧបត្ថម្ភ ថវិកា ៤លាន ៥សែន រៀល . ដេប៉ូ លក់ និង ចែកចាយ បន្ត ឆ្នោត មហាសំណាង ខេត្តកំពង់ចាម ឧបត្ថម្ភ ម៉ាស ចំនួន ១ម៉ឺន ៥ពាន់ ម៉ាស អាល់កុល ៣កាន មីជាតិ ៤០កេស និង ទឹក បរិសុទ្ធ វីតាល់ ចំនួន ៣០កេស . ក្រុមហ៊ុន ធ្វេលផ្លាស់ ត្រាស់មី អ៉ីវេសមេន ឧបត្ថម្ភ ម៉ាស ចំនួន ១ម៉ឺន ម៉ាស ទឹក បរិសុទ្ធ ២០០យួរ អាល់កុល ៤កាន មីជាតិ ២០កេស និង ម៉ាស៊ីន វ៉ាស់ កម្ដៅ ចំនួន ៤គ្រឿង . សហគ្រាស ខេ ធី ឧបត្ថម្ភ ថវិកា ៣លានរៀល . លោក ប្រ៊ុយណូ កូសម៍ និង សហការី ឧបត្ថម្ភ ថវិកា ១១០០ដុល្លារ អាមេរិក មី ៦០កេស និង អង្ករ ចំនួន ១២០០គីឡូក្រាម . លោក ឃុន ខុន និង លោក ស្រី ប៊ិច ឧបត្ថម្ភ ថវិកា ៥០០ដុល្លារ . លោក លាង សុវាវង្ស សេវាករ អគ្គិសនី ឃុំល្វា ស្រុក កោះសូទិន ឧបត្ថម្ភ ថវិកា ៣០ម៉ឺន រៀល . និង លោក តែ គឹម សុង សេវាករ អគ្គិសនី ឃុំ ចំការ អណ្តូង ស្រុក ចំការ លើ ឧបត្ថម្ភ ថវិកា ២០ម៉ឺន រៀល ផងដែរ ។
ឯកឧត្តម អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មការ ខេត្ត ប្រយុទ្ធ ប្រឆាំងនឹងជំងឺកូវីដ-១៩ បាន ថ្លែងអំណរគុណ ចំពោះ ក្រុមហ៊ុន ក៏ដូចជា សប្បុរសជន នានា ដែល បាន គាំទ្រ ជួយ ឧបត្ថម្ភ ទាំង ថវិកា និង ផ្នែក សំភារៈ ជូន ដល់គណៈកម្មការ ប្រយុទ្ធ ប្រឆាំង នឹង ជំងឺ កូវីដ -១៩ នាពេលនេះ ដែលជាការរួមចំណែក យ៉ាងសំខាន់ ក្នុងសកម្មភាពនានា ដើម្បីប្រយុទ្ធ ប្រឆាំង នឹងជំងឺកូវីដ-១៩ ហើយ ក៏ជាការជួយរំលែកទុក្ខលំបាកការខ្វះខាត របស់បងប្អូនប្រជាពលរដ្ឋ ជាពិសេស ពលករ ចំណូល ស្រុក ត្រឡប់មកពីប្រទេស ថៃ ដែល កំពុង ធ្វើចត្តាឡីស័ក ផង ដែរ ៕
