ព្រះវិហារៈ នាព្រឹកថ្ងៃទី០៥ ខែតុលា ឆ្នាំ២០២២ ឯកឧត្តម គីម រិទ្ធី អភិបាលនៃគណៈអភិបាលខេត្តព្រះវិហារ អញ្ជើញអមដំណើរឯកឧត្តម គីម វីរៈ អគ្គលេខាធិការនៃគណៈកម្មាធិការជាតិគ្រប់គ្រងគ្រោះមហន្ដរាយ បានអញ្ជើញចុះពិនិត្យស្ថានភាពទឹកជំនន់នៅក្នុងភូមិសាស្ដ្រខេត្តព្រះវិហារ និងចុះសាកសួរសុខទុក្ខ និងនាំយកអំណោយរបស់រាជរដ្ឋាភិបាល តាមរយៈមន្ទីរសង្គមកិច្ច អតីតយុទ្ធជន និងយុវនីតិសម្បទាទៅផ្ដល់ជូនប្រជាពលរដ្ឋដែលកំពុងរងផលប៉ះពាល់លិចលង់ផ្ទះសម្បែងចំនួន ២៩គ្រួសារ ស្ថិតនៅភូមិចំការស្រម៉ូវ (ចំណុចអូរបាក់) សង្កាត់ប៉ាលហាល ក្រុងព្រះវិហារ ខេត្តព្រះវិហារ។ ក្នុងនោះប្រជាពលរដ្ឋចំនួន២៣គ្រួសារ បានទទួលអំណោយនៅទីទួលសុវត្ថិភាព រីឯ៦គ្រួសារទៀតត្រូវបានឯកឧត្តម និងប្រតិភូអមដំណើរនាំយកអំណោយទៅផ្ដល់ជូនផ្ទាល់ដល់លំនៅដ្ឋានដែលរងការលិចលង់ និងបានពាំនាំស្រសាសន៏ផ្ដាំផ្ញើរសួសុខទុក ពីសំណាក់ សម្ដេច តេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងសម្ដេច កត្តិបព្រិត្តបណ្ឌិត ប៊ុន រ៉ានី ហ៊ុន សែន ជូនដល់បងប្អូនប្រជាពលរដ្ឋដែលកំពុងជួបទុក្ខលំបាកនាពេលនេះផងដែ។
អំណោយដែលយកទៅផ្ដល់ដល់ពលរដ្ឋនាពេលនេះរួមមាន ក្នុងមួយគ្រួសារទទួលបាន អង្ករ ៣០គីឡូក្រាម តង់១ មី ០១កេស ប៊ីចេង ០១កញ្ចប់ ទឹកស៊ីអ៊ីវ ០១ដប និងត្រីខ ០៥កំប៉ុង ទុកគ្រាន់ដោះស្រាយជីវភាពបានមួយរយៈផងដែរ៕
