ខេត្តស្វាយរៀង៖នៅថ្ងៃអាទិត្យ ទី០២ ខែតុលា ឆ្នាំ២០២២ ឯកឧត្តមបណ្ឌិត កែរ រដ្ឋា អនុប្រធានប្រតិបត្តិក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី និងជាអនុប្រធានក្រុមការងារគណបក្សថ្នាក់កណ្តាលចុះជួយក្រុងស្វាយរៀង និងលោក គុជ ស៊ីថា ប្រធានមន្ទីរសុខាភិបាលនៃរដ្ឋបាលខេត្តស្វាយរៀង និងជាប្រធាប្រតិបត្តិក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី សាខាខេត្តស្វាយរៀង បានដឹកនាំ និងសម្របសម្រួលក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចុះពិនិត្យព្យាបាលជំងឺ និង ចាក់វ៉ាក់សាំង ដោយឥតគិតថ្លៃជូនដល់ប្រជាពលរដ្ឋនៅក្នុងសង្កាត់ស្វាយរៀង ក្រោមអធិបតីភាព ឯកឧត្តម ជុក មុន្នី រដ្ឋលេខាធិការក្រសួងមុខងារសាធារណៈ ប្រធានក្រុមការងាររាជរដ្ឋាភិបាលចុះជួយក្រុងស្វាយរៀង និងជាអនុប្រធានទី១ក្រុមការងារគណបក្សថ្នាក់កណ្តាលចុះជួយក្រុងស្វាយរៀង។ សមាសភាពចូលរួមមានលោក សរ សុដានី អភិបាលរងក្រុងស្វាយរៀង លោក គង់ ចាន់ថង ប្រធានមន្ទីរមុខងារសាធារណ: ក្រុមប្រឹក្សាសង្កាត់ស្វាយរៀង សាខាបក្សភូមិ យុវជនសសយក និងក្រុមការងារគ្រូពេទ្យស្ម័គ្រចិត្តឯកឧត្ដម ហ៊ុន ម៉ានី សរុប ៨៤នាក់ ។ ចំពោះការព្យាបាលមាន ជំងឺទូទៅ មនុស្សចាស់ កូនក្មេង រោគស្ត្រី ភ្នែក ធ្មេញ វះកាត់តូច ឆ្លុះអេកូពោះ អេកូក អវយវៈ អេកូផ្ទៃពោះ និងថតកាំរស្មីអិចសួតផងដែរ ។ កម្មវិធីព្យាបាលនេះមានការឧបត្តម្ភពីលោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភាព្រឹទ្ធសភា និងអធិការកិច្ច និងជាតំណាងរាស្ត្រមណ្ឌលស្វាយរៀង និងឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា និង ជា ប្រធានកិត្តិយសក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ។ ជាលទ្ធផល ការពិនិត្យព្យាបាលជំងឺ និងចាក់វ៉ាក់កូវីដ-១៩ បានចំនួនសរុប២៥០នាក់ (ស្រ្តី ១៧៥នាក់)៕
