ក្រចេះ÷ នៅព្រឹកថ្ងៃទី១ ខែតុលា ឆ្នាំ២០២២ ឯកឧត្តមកិត្តិនីតិកោសល្យបណ្ឌិតអ៊ឹម ឈុនលឹម ប្រធានក្រុមប្រឹក្សាធម្មនុញ្ញនៃព្រះរាជាណាចក្រកម្ពុជា បានអញ្ជេីញជួបសំណេះសំណាល និងនាំយកអំណោយមួយចំនួនចែកជូនដល់ជនចាស់ជរា ចំនួន១០០ គ្រួសារ នៅក្នុងសង្កាត់អូរឬស្សី ក្រុងក្រចេះ ខេត្តក្រចេះ។ ដោយមានការអញ្ជេីញចូលរួមពីសំណាក់ ឯកឧត្តម យ៉ង់ សែម ប្រធានគណៈកម្មការទី១ នៃព្រឹទ្ធភា ឯកឧត្តមក្រុមព្រឹក្សាខេត្ត ឯកឧត្តមអភិបាលខេត្ត ព្រមទាំងថ្នាក់ដឹកនាំខេត្ត និងក្រុង ជាច្រេីនរូប។ បន្ទាប់ពីលោក សេក ប៊ុនហេង អភិបាលក្រុងក្រចេះ អានរបាយការណ៍ ពីសកម្មភាពការងារក្រុងរួច ឯកឧត្តមកិត្តិនីតិកោសលបណ្ឌិត អ៊ឹម ឈុនលឹម ប្រធានក្រុមប្រឹក្សាធម្មនុញ្ញនៃព្រះរាជាណាចក្រកម្ពុជា មានប្រសាសន៍ថា រាជរដ្ឋាភិបាលកម្ពុជា បានជម្រុញដល់ គណៈកម្មាធិការជាតិកម្ពុជាដេីម្បីមនុស្សចាស់ ក្រសួង ស្ថាប័ន អាជ្ញាធរមានសមកិច្ច គ្រប់លំដាប់ថ្នាក់ ត្រូវបង្កេីតនូវការយកចិត្តទុកដាក់ និងគាំទ្រតាមគ្រប់មធ្យោបាយ ដេីម្បីលេីកស្ទួយសុខមាលភាពមនុស្សចាស់ឲ្យកាន់តែល្អប្រសេីរ។ ឯកឧត្តម ប្រធានក្រុមប្រឹក្សាធម្មនុញ្ញនៃព្រះរាជាណាចក្រកម្ពុជា មានប្រសាសន៍រំលឹកថា វិបត្តិជំងឺកូវីដ១៩ បានរាតត្បាតជាសកល ក្នុងនោះក៏មានព្រះរាជាណាចក្រកម្ពុជាយើងដែរ បានឆ្លងរាតត្បាត ក្រោមការដឹកនាំរបស់សម្ដេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រី សម្ដេចបានយកចិត្តទុកដាក់ជាខ្លាំងទៅលើបញ្ហាសុខភាពប្រជាពលរដ្ឋ មន្រ្តីរាជការ ហើយបានស្វះស្វែងបញ្ជារទិញ វ៉ាក់សាំងបង្ការជំងឺកូវីដ១៩ មកពីបរទេសដើម្បីចាក់ជូនពលរដ្ឋ មន្ត្រីរាជការយើងបានទាន់ពេលវេលា នេះគឺជាគុណសម្បត្តិ ភ័ព្វសំណាងដ៏ធំធេងរបស់ប្រជាជនកម្ពុជា ដែលមាននាយករដ្ឋមន្ត្រីដឹកនាំប្រទេសដ៏ឆ្នើមឈ្លៀសវ៉ៃ បុិនប្រសព្វក្នុងការងារដឹកនាំប្រទេស កសាងប្រទេស តាំងពីគំនរផេះផង់រហូតមកដល់ប្រទេសមានការអភិវឌ្ឍន៏ជឿនលឿនដូចសព្វថ្ងៃនេះ។ ជាមួយគ្នានោះដែរ ឯកឧត្តមកិត្តិនីតិកោសលបណ្ឌិត អ៊ឹម ឈុនលឹម បានសំដែងការកោតសរសើរដល់អាជ្ញាធរមូលដ្ឋានចាប់ពីឃុំ សង្កាត់រហូតដល់ថ្នាក់ខេត្ត ដែលជាអ្នកធ្វើឲ្យគោលនយោបាយរបស់ថ្នាក់ជាតិ របស់រាជរដ្ឋាភិបាលបានទទួលលទ្ធផលជាក់ស្ដែង ការងារច្រើនប៉ុន្តែថ្នាក់ក្រោមទទួលអម្រែកក្នុងកិច្ចការងារដោយខិតខំចុះអនុវត្តដោះស្រាយរាល់បញ្ហាតូច ធំរបស់ប្រជាពលរដ្ឋក្នុងមូកដ្ឋានបានទាន់ពេលវេលា ប្រកប់ដោយតម្លាភាពនិងប្រសិទ្ឋភាព។ ដោយ តារ៉ា ក្រចេះ
