ព្រះវិហារៈ នៅព្រឹកថ្ងៃទី២៥ ខែកក្កដា ឆ្នាំ២០២២នេះ ឯកឧត្តម ប្រាក់ សុវណ្ណ ប្រធានគណ:កម្មាធិការសាខាកាកបាទក្រហមកម្ពុជា ខេត្តព្រះវិហារ រួមជាមួយក្រុមការងារ បាននាំយកផ្តល់អំណោយមនុស្សធម៌ផ្ដល់ជូនបងប្អូនប្រជាពលរដ្ឋមានជីវភាពខ្វះខាតចំនួន ៩៨គ្រួសារ មកពីភូមិចំនួន៦ ក្នុងឃុំស្រយង់ នៃស្រុកគូលែន ក្នុងនោះ(ភូមិស្រយង់ត្បូងចំនួន ៣៩គ្រួសារ ភូមិស្រយ៉ង់ជើងចំនួន ៣៩គ្រួសារ ភូមិរំចេកចំនួន ៥គ្រួសារ ភូមិកោះកេរចំនួន ៥គ្រួសារ ភូមិទួលព្រៃភ្ញៀវចំនួន ៥គ្រួសារ ភូមិប្រាសាទប្រាំចំនួន ៥គ្រួសារ) ពិធីរៀបចំនៅក្នុងបរិវេណវត្តសាលវន្តរង្សី ហៅវត្តស្រយ៉ង់កោះកេរ ក្នុងឃុំស្រយង់ ស្រុកគូលែន ខេត្តព្រះវិហារ ។
នៅក្នុងឱកាសនោះដែរឯកឧត្តម ប្រាក់ សុវណ្ណ ប្រធានគណ:កម្មាធិការសាខា បានពាំនាំនូវប្រសាសន៍ផ្តាំផ្ញើសាកសួរសុខទុក្ខពីសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលសម្តេចតែងតែគិតគូរពីសុខទុក្ខរបស់បងប្អូនជានិច្ចពោលគឺ ទីណាមានការលំបាកទីនោះមានកាកបាទក្រហមកម្ពុជា និងបានផ្តាំផ្ញើសូមអោយថែរក្សាសុខភាព ត្រូវមានអនាម័យ និងលាងសម្អាតដៃជាមួយសាប៊ូឱ្យបានជាប់ជាប្រចាំ ចូលរួមការពារទប់ស្កាត់មេរោគកូវីដ១៩ និងជាពិសេសជំងឺគ្រុនឈាម ដែលបង្ករឡើងដោយមូសខ្លាញីខាំ និងអំពាវអោយប្រុងបរយ័ត្នចំពោះកុមារតូចៗ ព្រោះរដូវនេះទឹកកំពង់ឡើង។
សម្ភារផ្តល់ជូនក្នុងមួយគ្រួសារៗទទួលបានរួមមាន៖ អង្ករ ២៥គីឡូក្រាម មី ១កេស ត្រីខ ១យួរ ទឹកស៊ីអ៉ីវ ១យួរ និងថវិកាចំនួន ២០,០០០រៀល និងបានប្រគេនព្រះសង្ឃក្នុងវត្តនូវ អង្ករ ១០០គីឡូក្រាម មី ៦កេស ត្រីខ ១០យួរ ទឹកស៊ីអ៉ីវ ៤យួរ និងថវិកា ២០០,០០០ រៀល តាយាយចំនួន ១០នាក់ ម្នាក់ៗ ២០,០០០រៀលផងដែរ ៕
