ដោយ៖ សេង ពិសិដ្ឋ
ព្រះវិហារ៖នាព្រឹកថ្ងៃ អាទិត្យ ១១រោជ ខែអាសាឍ ឆ្នាំខាល ចត្វាស័ក ពស២៥៦៦ ត្រូវនិងថ្ងៃទី២៤ ខែកក្កដា ឆ្នាំ២០២២ នេះ សាខាសមាគមសិស្សនិស្សិតបញ្ញវន្តក្មេងវត្តខេត្តព្រះវិហារបានបើកកិច្ចប្រជុំស្តីពី”យុទ្ធនាការ បណ្ដុះពង្រឹងគំនិត ស្រលាញ់សន្តិភាព”ដែលដឹកនាំដោយលោក វេជ្ជបណ្ឌិតឯកទេស នុត សុធា ប្រធានសាខាសមាគមសិស្សនិស្សិតបញ្ញវន្តក្មេងវត្តខេត្តព្រះវិហារ ក្នុងអង្គប្រជុំនេះផងដែរក៏មានការអញ្ជើញចូលរួមពីសំណាក់ប្រធាន អនុប្រធាន សាខាខេត្ត និងលេខា ព្រមទាំងប្រធាន អនុប្រធាន លេខាអនុសាខាទាំង៨ក្រុងស្រុក ចំនួន៣៣រូប។
ក្នុងឱកាសនោះដែរលោកវេជ្ជបណ្ឌិតឯកទេស នុត សុធា ប្រធានសាខាសមាគមខេត្ត ក៏បានពាំនាំប្រសាសន៍ផ្តាំផ្ញើរសួរសុខទុក្ខពីសំណាក់ឯកឧត្តម ហ៊ុន ម៉ានិត ប្រធានគណៈអចិន្ត្រៃសមាគមសិស្សនិស្សិតបញ្ញវន្តក្មេងវត្ត ក៏ដូចជាឯកឧត្តម មិញ បានកុសល្យ ប្រធានសមាគមសិស្សនិស្សិតបញ្ញវន្តក្មេងវត្ត ជូនដល់សមាជិកសមាជិការសាខា អនុសាខាទាំង អស់ក្នុងខេត្តព្រះវិហារ។
លោកវេជ្ជបណ្ឌិត ក៏បានលើកឡើងពីចំណុចសំខាន់ៗទាក់ទងទៅនិងការប្រើយុទ្ធសាស្ត្រក្នុងការធ្វើយុទ្ធនាការ បណ្តុះ ពង្រឹង គំនិត ថែរក្សានិងស្រលាញ់សន្តិភាព និងណែនាំដល់សមាជិកសមាជិការសាខា អនុសាខាទាំងអស់សូមអោយខិតខំប្រឹងប្រែងពង្រឹងការសហការណ៍គ្នាអោយបានល្អប្រសើរជាពិសេសទំនាក់ទំនងល្អជាមួយនិងអាជ្ញាធរដែនដីដើម្បីអោយកិច្ចការងាររបស់យើងកាន់តែមានភាពជោគជ័យបន្តទៅមុខទៀតផងដែរ៕
