កំពង់ធំ៖ឯកឧត្តម ជា អឿង អ្នកតំណាងរាស្ត្រមណ្ឌលកំពង់ធំនិងជាប្រធានក្រុមការងារចុះមូលដ្ឋានស្រុកប្រាសាទបល្ល័ង្កបានថ្លែងថាគោលនយោបាយច្បាស់លាស់ប្រាកដរបស់គណបក្សប្រជាជនជាចក្ខុវិស័យវែងឆ្ងាយគឺធ្វើឱ្យកម្ពុជាកាន់តែឈានឆ្ពោះរីកចម្រើនទៅមុខ ។
ឯកឧត្តម ជា អឿង បានថ្លែងយ៉ាងដូច្នេះក្នុងពិធីផ្សព្វផ្សាយខ្លឹមសារសន្និបាតគណៈកម្មាធិការកណ្តាលវិសាមញ្ញរបស់គណបក្ស នៅស្នាក់ការគណបក្សស្រុកប្រាសាទបល្ល័ង្ករសៀលថ្ងៃទី២៣ ខែកក្កដា ឆ្នាំ២០២២ ដោយមានសមាជិក សមាជិកាចូលរួមប្រមាណ៨០នាក់ ។
ឯកឧត្តមបានបន្តថាមានតែគណបក្សប្រជាជនកម្ពុជាមួយគត់ដែលមានគោលនយោបាយច្បាស់លាស់និងស័ក្តិសមបំផុតក្នុងការដឹកនាំនាវាកម្ពុជាឆ្ពោះទៅកាន់ការអភិវឌ្ឍរីកចម្រើនមកដល់ពេលបច្ចុប្បន្ន ។ ជាក់ស្តែងជោគជ័យដ៏ធំធេង របស់កម្ពុជាក្រោមការដឹកនាំរបស់ប្រមុខគណបក្សប្រជាជនកម្ពុជារហូតទទួលបានការគាំទ្រនិងកោតសរសើរពីបណ្តា ប្រទេសជាច្រើនលើសកលលោកគឺ វិធានការច្បាស់លាស់ក្នុងការបង្ការនិងទប់ស្កាត់នូវការរីករាយដាលនៃជំងឺកូវីដ -១៩ តាមរយៈការដាក់ចេញនូវគោលនយោបាយចាក់ស្រោចវ៉ាក់សាំងបង្ការជំងឺកូវីដ -១៩ លើប្រជាពលរដ្ឋទូទាំងប្រទេស គ្រប់ស្រទាប់វណ្ណៈហើយបានដឹកនាំនាវាកម្ពុជាឆ្លងផុតពីគ្រោះមហន្តរាយមួយនេះយ៉ាងជោគជ័យជាមួយនឹងការបើក ដំណើរការប្រទេសជាតិនិងសង្គម -សេដ្ឋកិច្ចឡើងវិញតាមគន្លងប្រក្រតីភាពថ្មី ។
ឯកឧត្តមបន្តទៀតថាគោលនយោបាយជាអាទិភាពសំខាន់ៗរបស់គណបក្សប្រជាជនកម្ពុជាក្នុងការបម្រើឧត្តម ប្រយោជន៍ជាតិនិងប្រជាពលរដ្ឋក៏ដូចជាការអភិវឌ្ឍប្រទេសជាតិយ៉ាងឆាប់រហ័សជាមួយនឹងកិត្យានុភាព កិត្តិយសរដ្ឋឯករាជ្យ អធិបតេយ្យមួយនៅក្នុងតំបន់និងអន្តរជាតិ។
ចុងក្រោយឯកឧត្តមបានផ្តាំផ្ញើដល់ក្រុមការងារទាំងអស់ត្រូវយកចិត្តទុកដាក់ជួយទុក្ខធុរៈគ្នានៅតាម ឃុំភូមិ ហើយ ត្រូវបម្រើសេវាសាធារណៈជូនប្រជាពលរដ្ឋបានឲ្យបានទាន់ពេលវេហើយក្រុមការងារត្រូវពិនិត្យលើរចនាសម្ព័ន្ធរបស់ឃុំ ឡើងវិញ ពិនិត្យលើបច្ចុប្បន្នភាពភូមិ ពិនិត្យលើរបាយការណ៌លើបញ្ហាប្រឈម និងកង្វះខាតដើម្បីរកដំណោះស្រាយ ចុះស្រង់ការធ្វើអត្តសញ្ញាណប័ណ្ណឡើងវិញនិងជួយផ្សព្វផ្សាយឲ្យទៅចុះឈ្មោះបោះឆ្នោតនៅពេលខាងមុខឲ្យបានគ្រប់គ្នានិងធ្វើអំពើល្អ ជាគំរូល្អ ដល់ពលរដ្ឋដើម្បីឲ្យប្រជាពលរដ្ឋជឿទុកចិត្ត ដើម្បីអនុវត្តការងារប្រកបដោយប្រសិទ្ធភាពខ្ពស់ ។
