សៀមរាប៖ដើម្បីពង្រឹងសមត្ថភាពដល់ប្រតិបត្ដិករណ៍ជាច្រើនផ្នែកបន្ថែមទៀត សមាគមទេសចរណ៍កម្ពុជា ហៅកាត់ថា CATA នឹងចាប់ផ្ដើមរៀបចំគម្រោងបណ្ដុះបណ្ដាលជំនាញទេសចរណ៍ ជូនដល់ពួកគាត់ បន្ទាប់ពីពួកគាត់មានផលប៉ះពាល់ដល់ធនធានមនុស្សដោយសារជំងឺកូវីដ១៩នាពេលកន្លងមក ។
លោកជំទាវ ឆាយ ស៊ីវលីន ប្រធានសមាគមទេសចកម្ពុជា មានប្រសាសន៍កាលពីល្ងាចថ្ងៃទី២២ខែកក្កដាឆ្នាំ២០២២នេះថា វគ្គបណ្តុះបណ្តាលនេះមានរយះពេល២០ថ្ងៃដែលនឹងនឹងចាប់ផ្តើមពីថ្ងៃទី ២២ ខែសីហា រហូតដល់ថ្ងៃទី ២២ ខែតុលា ឆ្នាំ ២០២២ខាងមុខ ខណៈដែលសមាគមនេះ ទទួលបានថវិកា៥០ម៉ឺនដុល្លាពីគម្រោងឧបត្ថម្ភដោយមូលនិធិអភិវឌ្ឍន៍ជំនាញ (SDF) នៃក្រសួងសេដ្ឋកិច្ច និងហិរញ្ញវត្ថុ (MOEF) ។គម្រោងបណ្តុះបណ្តាលផ្នែកបដិសណ្ឋារកិច្ចដំបូងគេបង្អស់ ដែលមានទាំង៨ជំនាញក្នុងសណ្ឋាគារ ការបណ្តុះបណ្តាលជាមួយគ្រូមានជំនាញវិជ្ជាជីវះ និងបទពិសោធន៍យូរឆ្នាំក្នុងវិស័យទេសចរណ៍ ដែលក្នុងនោះបណ្ដុះបណ្ដាលផ្នែកបដិសណ្ឋារៈកិច្ចមានរយៈពេល២២ថ្ងៃ និងមគ្គុទេសក៍ទេសចរ ការីទេសចរមានចំនួន៥ថ្ងៃ ។លោកជំទាវ បានបន្ដថា ក្នុងពេលដែលពិភពលោកបានជួបវិបត្ដិជំងឺកូវីដ១៩នាពេលកន្លងមក បានធ្វើឱ្យប៉ះពាល់ដល់ធនធានប្រតិបត្ដិករទេសចរណ៍ អ្នកបំរើសេវាកម្មទេសចរណ៍ ដោយពួកគាត់មួយចំនួនទៅប្រកបអាជីពរក្រៅជំនាញ ទើបសមាគមស្នើសុំថវិកាពីក្រសួងសេដ្ឋកិច្ចនិងហិរញ្ញវត្ថុ បើកការបណ្ដុះបណ្ដាលជំនាញដល់ប្រតិបត្ដិករបន្ថែមទៀត ដើម្បីត្រៀបទទួលអ្នកទេសចរទៅកំសាន្ដនៅកម្ពុជា ខណៈដែលអ្នកទេសចរបានវិលត្រឡប់មកវិញជាបណ្ដើរៗ ។
គម្រោងនេះត្រូវបានដឹកនាំដោយសមាគមទេសចរណ៍កម្ពុជា (CATA) និងកិច្ចសហប្រតិបត្តិការជាមួយអ្នកប្រឹក្សាយោបល់ជំនាញទេសចរណ៏អាស៊ាន(ATP)។ បើតាមគម្រោងវគ្គបណ្ដុះបណ្ដាលនេះ សិក្ខាកាមនឹងទទួលបានអត្ថប្រយោជន៏ល្អៗជាច្រើនរូមមានវិញ្ញាបណ្ណ័ប័ត្របញ្ជាក់ការសិក្សានិងប្រាក់ ឧបត្ថម្ភថវិកាចំនួន១៥០ដុល្លារ បន្ទាប់ពីបញ្ចប់វគ្គបណ្តុះបណ្តាល ឱកាសក្នុងការបង្កើនជំនាញយល់ដឹងបន្ថែមទៀតនិងការបង្កើតបណ្តាញទំនាក់ទំនងជាមួយសិក្ខាកាមជាច្រើននាក់។សមាគមទេសចរណ៍កម្ពុជាបើកទទួលចុះឈ្មោះសិក្ខាកាមចាប់ពីថ្ងៃនេះ រហូតដល់ថ្ងៃទី១៥ ខែសីហា ឆ្នាំ២០២២៕
