កំពង់ធំ៖ នៅវេលាម៉ោង០៩:៣៥នាទី ថ្ងៃទី១៥ ខែកក្កដា ឆ្នាំ២០២២ នេះ មានករណីគ្រោះថ្នាក់ចរាចរណ៍មួយកើតឡើងរវាងគោយន្តកន្ត្រៃនិងម៉ូតូ ខណៈកំពុងបេីកបរស្របទិសគ្នា ។
ករណីគ្រោះថ្នាក់ចរាចរណ៍ខាងលេីនេះកេីតឡេីងនៅចំណុចស្ពានអូរចាក ស្ថិតនៅភូមិសំបូរ ឃុំសំបូរ ប្រសាទសំបូរ បើកបរស្របគ្នា ។
ប្រភពពីកន្លែងកេីតហេតុបានឲ្យដឹងថា មុនដំបូងគេឃេីញគោយន្តកន្ត្រៃ និងម៉ូតូបេីកបរស្របទិសគ្នា លុះពេលចុះជម្រាលគោយន្តកន្ត្រៃចាប់ហ្វ្រាំងមិនជាប់ ក៍បុកម៉ូតូតែម្តង ។
សមត្ថកិច្ចបានឲ្យដឹងថាគោយន្តកន្ត្រៃខាងលេីបើកបរ ដោយឈ្មោះ ប៉ុន រ៉ុន ភេទប្រុសអាយុ ២៥ឆ្នាំ រស់នៅភូមិសំអោងឃុំមានរិទ្ធស្រុកសណ្ដាន់។ ដោយឡែកម៉ូតូម៉ាកឌ្រីមC125ស៊េរីឆ្នាំ២០១៧ ផ្លាកលេខ1A6788 ពណ៌ខ្មៅបើកបរដោយ ឈ្មោះ ហុម មឿន ភេទប្រុសអាយុ៧១រស់នៅភូមិចុងព្រៃឃុំកំពង់ស្វាយស្រុកកំពង់ស្វាយ រងរបួសស្រាល ។ ចំណែកអ្នករួមដំណើរជាមួយឈ្មោះ រស់ រនភេទស្រីអាយុ៦៥ឆ្នាំរស់នៅភូមិចុងព្រៃភូមិកំពង់ស្វាយស្រុកកំពង់ស្វាយត្រូវជាប្រពន្ធអ្នកបើកបរម៉ូតូ ស្លាប់បាត់បង់ជីវិត និងឈ្មោះ បូរ៉ា កូវីត ភេទស្រីអាយុ០៣ឆ្នាំ រស់នៅភូមិចុងព្រៃឃុំកំពង់ស្វាយស្រុកកំពង់ស្វាយ ត្រូវជាចៅអ្នកបើកបរម៉ូតូ រងរបួសស្រាល។
ក្រោយសពជនរងគ្រោះប្រគល់ឲ្យកូនចៅយកទៅធ្វើបុណ្យតាមប្រពៃណី៕
