ដោយ៖សាយ ហ្គន
ខេត្តស្វាយរៀង ៖បុរស់ម្នាក់ដាច់ចិត្តចាក់សាំងដុតសម្លាប់ខ្លួនឯងស្លាប់នៅក្នុងភ្នក់ភ្លើង ហើយឆេះទាំងផ្ទះសល់តែគ្រោងឆ្អឹង ដោយសារតែខឹងប្រពន្ធ រឿងសុំប្រពន្ធទៅចូលរួមក្នុងពិធីការក្មួយនៅខេត្តស្ទឹងត្រែង ហើយប្រពន្ធឲ្យលុយតិច មិនសមតាមបំណង ក្រោយមកក៏ទៅទិញសាំងយកមកហើយឡើងលើផ្ទះបិទគន្លឹះទ្វា រួចចាក់សាំងដុតសម្លាប់ខ្លួន ស្លាប់នៅក្នុងផ្ទះយ៉ាងអាណោចអធម្មឆេះទាំងផ្ទះម៉ត់សល់តែគ្រោងឆ្អឹង។ ហើយមុនពេលចាក់សាំងដុតខ្លួននោះដែរស្រ្តីជាប្រពន្ធឃើញយួសាំងឡើងលើផ្ទះក៏បានឆោឡោ ហើយស្រែកហៅអ្នកជិតខាងឲ្យមកជួយ ក៏ប៉ុន្តែបុរស់គិតខ្លីនោះបានកាន់កាំបិតផ្គាក់នៅក្នុងដៃ ហើយគម្រាមថាបើអ្នកណាហ៊ានចូលគឺកាប់សម្លាប់ចោលទើបគ្មានអ្នកណាហ៊ានចូលចាប់ឬជួយ បន្ទាប់មកបុរសនោះឡើងលើផ្ទះបិទគន្លឹះទ្វាចាក់សាំងដុតសម្លាប់ខ្លួន ដោយមានភ្លើងឆាប់ឆេះយ៉ាង សន្ធោសន្ធៅ ឆេះទាំងផ្ទះ បណ្ដាលអោយស្លាប់ក្នុងភ្នក់ភ្លើងតែម្តង។ចំណែកប្រជាពលរដ្ឋនិងអ្នកជិតខាងបានត្រឹមតែស្រែកឆោឡោ ហើយប្តឹងទៅសមត្ថកិច្ចហៅរថយន្តអាគ្គីភ័យមកជួយអន្តរាគមន៍ក៏ប៉ុន្តែអ្វីៗគឺហួសពេលទៅហើយ។
ហេតុការណ៍នេះបានកើតឡើងកាលពីវេលាម៉ោង៦និង១៥នាទីល្ងាចថ្ងៃទី១៨ខែកញ្ញាឆ្នាំ២០២១ស្ថិតនៅក្នុងភូមិត្រពាំងតុំ ឃុំចន្រ្តី ស្រុករមាសហែក។
បើតាមសមត្ថកិច្ចបានឲ្យដឹងថាបុរសម្នាក់ចាក់សាំងដុតសម្លាប់ខ្លួនឯងស្លាប់ក្នុងផ្ទះ គឺ មានប្រវត្តិ កើតជម្ងឺសសៃប្រសាទ ហើយធ្លាប់មានទំនាស់ជាមួយប្រពន្ធបន្តិចបន្តួច តែងតែខឹងតូចចិត្ត ធ្លាប់រត់ទៅចងក សម្លាប់ខ្លួនម្តង ជា២ដងមកហើយ ក៏ប៉ុន្តែប្រពន្ធដឹងក៏ហៅអ្នកជិតខាងឲ្យជួយ ទាន់ពេល ។ហើយម្តងនេះគឺបានសុំលុយប្រពន្ធទៅ ចូលរួមក្នុងពិធីការក្មួយនៅឯខេត្តស្ទឹងត្រែង ហើយប្រពន្ធឱ្យលុយតិចពេកប្រហែលជាខឹងចិត្តក៏ ទៅទិញសាំង ហើយដាក់គន្លឹះទ្វាររួចចាក់សាំងដុតសម្លាម់ខ្លួនតែម្តង។
បុរសដែលចាក់សាំងដុតសម្លាប់ខ្លួនឯងនេះ មានឈ្មោះយង់ ផល្លា ហៅតឿ អាយុ៤៨ឆ្នាំ មុខរបរកសិករ មានប្រពន្ធឈ្មោះអ៊ូ នាង អាយុ៤៨ឆ្នាំមានកូន០៣នាក់ស្រីម្នាក់ (កូនទី១ ទៅធ្វើការនៅប្រទេសកូរ៉េ កូនទី២ ទៅរៀននៅប្រទេសវៀតណាម កូនទី៣ ទៅរៀននៅរាជធានីភ្នំពេញ)មានទីលំក្នុងភូមិត្រពាំងតុំ ឃុំចន្រ្តី ស្រុករមាសហែក។
ប្រភពបន្តថា ផ្ទះដែលអគ្គិភ័យឆាបឆេះអស់ទាំងស្រុងនេះ មានទំហំ៨ម៉ែត្រគុណនិង៩ម៉ែត្រ សង់អំពីថ្មក្រោមឈើលើ ដោយបាត់បង់ទ្រព្យសម្បត្តិរួមមាន៖ប្រាក់១ម៉ឺនដុល្លារ, ប្រាក់រៀល២លានរៀល, មាស២តម្លឹងនិងសម្ភារៈមួយចំនួនទៀត។
ចំណែកស្រ្តីជាប្រពន្ធ បានប្រាប់ថា មុនកើតហេតុប្ដីរបស់គាត់បានមកសុំលុយពីគាត់ ដើម្បីទៅការក្មួយ នៅឯខេត្តស្ទឹងត្រែង ហើយពេលនោះ គាត់ជាប្រពន្ធក៏បានឱ្យលុយមួយចំនួនទៅប្តីប៉ុន្តែមិនដឹងថា ប្តីគាត់អន់ចិត្តពីរឿងលុយតិចឬក៏យ៉ាងណានោះទេ ស្រាប់តែប្តីគាត់ខ្ទាស់គន្លឹះទ្វារសម្ងំនៅក្នុងផ្ទះ ហើយដុតសម្លាប់ខ្លួនឯងបែបនេះតែម្តង។
ក្រោយកើតហេតុអ្នកភូមិក៏ដូចជាសមត្ថកិច្ចនាំគ្នាជួយពន្លត់ដែរហើយបានហៅរថយន្តពន្លត់អគ្គីភ័យមកជួយអន្តរាគមន៍ពន្លត់ដែរ ប៉ុន្តែដោយភ្លើងឆេះ ខ្លំាងទៅហើយ ទើបមិនអាចគ្រប់គ្រងស្ថានការណ៍បានបណ្ដាលឱ្យឆេះទាំងស្រុងតែម្ដង៕
