ខេត្តកំពង់ឆ្នាំង :នៅវេលាម៉ោង២និង០០នាទីទី២៣ ខែមិថុនា ឆ្នាំ២០២១ ម្សិលមិញកម្លាំងការិយាល័យ ជំនាញប្រឆាំងគ្រឿងញៀនខេត្ត ដឹកនាំអនុវត្តន៍ផ្ទាល់ដោយលោកវរៈសេនីយ៍ទោ ឃឹម សុផាត ឋានៈនាយរងការិយាល័យ សហការជាមួយកម្លាំងអធិការដ្ឋាននគរបាលស្រុករលាប្អៀរចុះបង្ក្រាបករណី ជួញដូរ និងប្រើប្រាស់ ដោយខុសច្បាប់នូវសារធាតុញៀន នៅចំណុច ភូមិស្ពករាជ ឃុំអណ្ដូងស្នាយ ស្រុករលាប្អៀរ ខេត្តកំពង់ឆ្នាំង។
ក្នុងករណីបង្ក្រាបខាងលើនេះសមត្ថកិច្ចបានធ្វើការឃាត់ខ្លួនជនសង្ស័យម្នាក់ឈ្មោះ លី សុខជា អាយុ ២៦ឆ្នាំ មុខរបរកម្មករ រស់នៅភូមិត្រពាំងក្រពើ ឃុំទឹកហូត ស្រុករលាប្អៀរ ខេត្តកំពង់ឆ្នាំង។
ក្រោយការបង្ក្រាបមុខសញ្ញាគ្រឿងញៀនខាងលើនេះសមត្ថកិច្ចបានរាយការជូនស្នងការនគបាលខេត្តលោកឧុត្តសេនីយ៍ទោ ខូវលីនិងបានសុំការអនុញ្ញាតិពីលោក អ៊ិត សុធា ព្រះរាជអាជ្ញាសាលាតំបូង ខេត្តកំពង់ឆ្នាំងដើម្បីនាំយកមកធ្វើការសាកសួរនិងក៍សាងឯកសារបន្តនិតិវិធី ផងដែរ ។
បើតាមការអោយដឹងពីកម្លាំងសមត្ថកិច្ចនគរបាលដែលស្ថិតក្នុងការបង្ក្រាបខាងលើនេះបានឲ្យដឹងថាការករណីបង្ក្រាបគ្រឿងញៀនខាងលើនេះនេះសមត្ថកិច្ចបានដក
ហូតវត្ថុតាងរួមមាន : ថ្នាំញៀន ០១កញ្ចប់ធំ ទូរសព្ឌ័ ០១គ្រឿង កាំបិទចុងស្រួច ០២ដើម ដាវ០១ ដើម ឧបករណ៍វេចខ្ចប់ និងសម្ភារ:ប្រើប្រាស់ថ្នាំញៀនមួយចំនួន។
បច្ចុប្បន្នជនសង្ស័យខាងលើរួមនឹងវត្ថុតាងត្រូវបានកម្លាំងសមត្ថកិច្ចនគរបាលជំនាញកសាងសំណុំរឿងដើម្បីចាត់ការបន្តនីតិវិធីផងដែរ៕ដោយ សុក្ខារិន
